"ەڭبەك جانە حالىقتى الەۋمەتتىك قورعاۋ مينيسترلىگى اعىمداعى جىلدىڭ شىلدە ايىندا ازىق-ت ۇلىك جانە تۇرمىستىق جيىنتىقتار ءۇشىن قاراجات تولەۋدى كوزدەيتىن بۇيرىقتى ازىرلەپ, قابىلدادى. قازاقستاندىقتار اعىمداعى جىلدىڭ 20 شىلدەسىنەن باستاپ ايدىڭ سوڭىنا دەيىن بانك كارتالارىنا تولەم الا باستايدى", - دەلىنگەن حابارلامادا.
بۇيرىق كۇشىنە ەنگەن كەزدە 5 الەۋمەتتىك توپقا جاتاتىن ازاماتتار الۋشىلار بولادى. جەرگىلىكتى اتقارۋشى ورگاندار قولدا بار دەرەكتەر نەگىزىندە ازىق-ت ۇلىك جانە تۇرمىستىق جيىنتىق الۋعا ءتيىستى ادامداردىڭ ءتىزىمىن جاسايدى. سودان كەيىن شىلدە ايىنا, ياعني شەكتەۋ شارالارىنىڭ قولدانىلۋ كەزەڭىندە الۋشىلارعا سوماسى 2 اەك مولشەرىندە تولەم جىبەرىلەدى.
5 الەۋمەتتىك توپقا:
– اتاۋلى الەۋمەتتىك كومەك الۋشىلار قاتارىنان 6 جاستان 18 جاسقا دەيىنگى بالالار;
– مەديتسينالىق-الەۋمەتتىك مەكەمەلەردە تۇراقتى تۇراتىن مۇگەدەكتەردى قوسپاعاندا, 16 جاسقا دەيىنگى مۇگەدەك بالالار;
– مەديتسينالىق-الەۋمەتتىك مەكەمەلەردە تۇراقتى تۇراتىن مۇگەدەكتەردى قوسپاعاندا, بارلىق جاستاعى I, II, III توپتاعى مۇگەدەكتەر;
– مۇگەدەك بالا تاربيەلەپ وتىرعان ادامدار;
– جۇمىسپەن قامتۋ ماسەلەلەرى جونىندەگى جەرگىلىكتى ورگاندا تىركەلگەن جۇمىسسىز ازاماتتار جاتادى.
بۇعان دەيىن حابارلانعانداي, كوروناۆيرۋستىق ينفەكتسيانى جۇقتىرۋ قاۋپىن ازايتۋ ماقساتىندا ادامداردىڭ تىكەلەي بايلانىسىن بولدىرماۋ ءۇشىن ازىق-ت ۇلىك جانە تۇرمىستىق جيىنتىقتار 2 اەك-تەن كەم بولمايتىن مولشەردە الۋشىلاردىڭ بانك كارتالارىنا اۋدارىلعان تولەمگە اۋىستىرىلدى.
اعىمداعى جىلدىڭ ناۋرىز ايىنان مامىر ايىنا دەيىن بۇل تولەمدەر جالپى سوماسى 13,5 ملرد تەڭگەگە 1 ملن ادامعا ەسەپتەلگەن.
ەستەرىڭىزگە سالا كەتەيىك, 14 شىلدەدە قر پرەمەر-ءمينيسترى اسقار مامين ۇكىمەت وتىرىسىندا قر ەڭبەك جانە حالىقتى الەۋمەتتىك قورعاۋ مينيسترلىگىنە قازاقستاندىقتارعا ازىق-ت ۇلىك جانە تۇرمىستىق جيىنتىقتار ءۇشىن اقشالاي قاراجات تولەۋدى باستاۋدى تاپسىرعان بولاتىن.
بۇعان دەيىن قر پرەزيدەنتى قاسىم-جومارت توقاەۆ كورونوۆيرۋستىق ينفەكتسيانىڭ تارالۋىنا جول بەرمەۋ شارالارىن كۇشەيتۋدى تاپسىردى. تابىسسىز قالعان قازاقستاندىقتاردى قولداۋ ءۇشىن جاردەماقىلار, بىرجولعى تولەمدەر تولەندى, ونىڭ ىشىندە ازىق-ت ۇلىك جانە تۇرمىستىق جيىنتىقتار بەرىلدى.
