ەلىمىزدە قاۋىپتى ىندەتتىڭ تارالۋىن ازايتۋ ءۇشىن اي باسىندا جاريالانعان كارانتين رەجىمى پرەزيدەنت شەشىمىمەن شىلدەنىڭ سوڭىنا دەيىن سوزىلعانى بەلگىلى. وسى تۇستا ادىلەت ءمينيسترى بەلگىلەنگەن شارالاردى بۇزعاندار جاۋاپكەرشىلىككە تارتىلاتىنىن مالىمدەدى. «ازاماتتار مەن جەكە كاسىپكەرلەر سانيتاريا تالاپتارىن بۇزعان جاعدايدا اكىمشىلىك قۇقىق بۇزۋشىلىق تۋرالى كودەكستىڭ 425-بابى بويىنشا (حالىقتىڭ سانيتارلىق-ەپيدەميالىق سالاماتتىلىعى سالاسىنداعى زاڭناما تالاپتارىن, سونداي-اق گيگيەنالىق نورماتيۆتەردi بۇزۋ) جاۋاپقا تارتىلادى. ءتيىستى سانيتارلىق ەرەجەلەردى 5 شىلدەدە دەنساۋلىق ساقتاۋ ءمينيسترى بەكىتكەن», دەدى م.بەكەتاەۆ. سونداي-اق مينيستر كارانتين كەزىندە توي جاساعاندارعا 83 مىڭ تەڭگە كولەمىندە ايىپپۇل سالىناتىنىن ايتتى. ال ەگەر مۇنداي شارالاردىڭ بارىسىندا ازاماتتار جاپپاي ۆيرۋس جۇقتىرسا, ايىپپۇلدىڭ دا كولەمى ارتا تۇسەدى. ال وقيعانىڭ سالدارى جاعىمسىز جاعدايعا اپارسا, قىلمىستىق ءىس قوزعالۋى ىقتيمال ەكەن.
قۇقىقتىق ماسەلەلەر تۋىنداعان كەزدە تۇرعىندار ادىلەت مينيسترلىگىنىڭ قۇقىقتىق اقپاراتتىق قىزمەتىنىڭ 119 نەمەسە 58-00-58 نومىرلەرىنە, سونداي-اق WhatsApp مەسسەندجەرى ارقىلى 87086935631 نومىرىنە جۇگىنە الادى.
