مەديتسينالىق ۇيىمداردى ءدارى-دارمەكتەرمەن جانە ۆيرۋستان قورعانۋ قۇرالدارىمەن قامتاماسىز ەتۋ ۋاكىلەتتى ورگاننىڭ نەگىزگى مىندەتى بولىپ تابىلادى.
ەلورداعا رەسەيدەن گۋمانيتارلىق كومەكپەن 2790 دانا قورعانىس كيىمى, 21 850 دانا كولەمىندە ءۇش قاباتتى ماسكا, 236 «كورونوۆير» تابلەتكاسى, ال قىتاي حالىق رەسپۋبليكاسىنان 450 دانا مەديتسينالىق قورعانىس كيىمى, 3000 دانا حيرۋرگيالىق قولعاپ, 15 دانا ينفراقىزىل تەرمومەتر, 2200 دانا مەديتسينالىق ماسكا, 3040 دانا حيرۋرگيالىق ماسكا جەتكىزىلدى.
«استانا – ادالدىق الاڭى» جوباسىنىڭ جەتەكشىسى, قالالىق ءماسليحاتتىڭ دەپۋتاتى ميراس شەكەنوۆ نۇر-سۇلتان قالاسى سىبايلاس جەمقورلىققا قارسى ءىس-قيمىل دەپارتامەنتى باسشىلىعى, «استانا – ادالدىق الاڭى» جوبا مەنەدجەرلەرى جانە ارنايى مونيتورينگ توبىنىڭ مۇشەلەرىنەن قۇرالعان جۇمىس توبى رەسەي مەن قىتايدان كەلگەن گۋمانيتارلىق كومەكتىڭ «سق-فارماتسيا» قويماسىنان مەديتسينالىق ۇيىمدارعا جەتۋىنە مونيتورينگ جۇرگىزىلىپ جاتقانىن اتاپ ءوتتى.
«بۇگىنگى تاڭدا كوروناۆيرۋستىق ينفەكتسياسى بار ناۋقاستار ورنالاسقان مەديتسينالىق ۇيىمداردى جەكە قورعانىس قۇرالدارى مەن ءدارى-دارمەكتەرمەن قامتاماسىز ەتۋ كارانتيندىك جاعدايلاردان تەزىرەك شىعۋعا مۇمكىندىك بەرەدى. بۇل كەزەڭدە ازاماتتاردىڭ دەنساۋلىعى باستى ءرول اتقارادى.
ەش نارسەنى ادام ومىرىمەن سالىستىرۋعا بولمايدى. بۇل جاعدايدا مەملەكەت قالىپتاسقان جاعدايدى جويۋ ءۇشىن كەشەندى شارالار قابىلداۋدا. ارنايى مونيتورينگ توبى مەن جوبا مەنەدجەرلەرى گۋمانيتارلىق كومەكتىڭ قازاقستانعا جەتكىزىلگەن ساتىنەن باستاپ تۇتىنۋشىعا دەيىن جەتۋ باعىتىن قاداعالاۋدا. بارلىق پاكەتتەر قورعانىس قۇرالدارى مەن تەگىن گۋمانيتارلىق كومەككە جاتاتىندىعىن بىلدىرەتىن مورمەن بەكىتىلەدى. بۇل شارا تاۋارلاردى ءدارىحانالار مەن دەلدالدار ارقىلى ساتۋدىڭ الدىن الۋعا مۇمكىندىك بەرەدى. وسىعان بايلانىستى, بارلىق مۇددەلى ازاماتتاردى ەگەر دارىلىك پرەپاراتتاردا وسىنداي ءمور بولسا, جوبانىڭ 8 775 160-55-32 بايلانىس نومىرىنە حابارلاسۋعا شاقىرامىن», دەدى نۇر-سۇلتان قالاسى سىبايلاس جەمقورلىققا قارسى ءىس-قيمىل دەپارتامەنتى جانىنداعى ارنايى مونيتورينگتىك توپ وكىلى جانىبەك ۋسپانوۆ.
