الەم • 17 شىلدە، 2020

جازۋشىنىڭ جاڭا جەتىستىگى

90 رەت كورسەتىلدى

قازاقستان رەسپۋبليكاسىنىڭ مەملەكەتتىك حاتشىسى ق.كوشەرباەۆتىڭ اتىنا امەريكاداعى ايگىلى «Amazon Crossing» باسپاسىنىڭ ديرەكتورى ءارى باس رەداكتورى گەبريەللا پەيدج-فورتتان العىس حات كەلىپ ءتۇستى.

مۇنىڭ ءمانىسى مىناۋ. بىلتىر بەدەلى بەس باتپان وسىناۋ امەريكالىق باسپادان بەلگىلى قازاق جازۋشىسى روللان سەي­سەنباەۆتىڭ «قۇم كەزگەن ولىكتەر» اتتى رو­مان-ەپوسى جارىق كورگەن بولا­تىن. جاي عانا شىعىپ قويماي، فرانك­فۋرت كىتاپ-جارمەڭكەسىنەن كەيىن بۇل شىعارما اتى­شۋلى پەن – امەريكا سىي­لى­عىنا ۇسىنىلعانى تاعى بار.

«قۇم كەزگەن ولىكتەر» – حح عاسىردىڭ باتىل جازىلعان روماندارىنىڭ ءبىرى. بۇل ەرەكشە قۇندى تۋىندى – جەر-انانىڭ ەكولوگيالىق ەپوسى. سونىمەن بىرگە بۇ­گىن­گىنىڭ ەكولوگيالىق «دون كيحوتى».

روللان سەيسەنباەۆپەن شىعارماشى­لىق، ادامي قارىم-قاتىناستا بولۋ جا­نە بىرگە جۇمىس ىستەۋ ءبىز ءۇشىن ۇلكەن مار­تەبە-سىي  بولعانىن جاسىرمايمىن. ول – اتى الەمگە ايگىلى جازۋشى. «Amazon Crossing» وسى شىعارماشىلىق جانە ادا­مي دوستىقتى باعالايدى. روللان سەي­سەنباەۆتىڭ رومانىن وقىعاننان كەيىن مەن قازاقيانى ۇلى داستۇرلەرى مەن رۋ­حى بيىك كەڭ-بايتاق ەل رەتىندە ەلەس­تەت­تىم»، دەپ اعىنان جارىلا اقتا­رى­لادى گەب­ريەللا پەيدج-فورت.

«Amazon Crossing» باسپاسىنىڭ باسشىسى سونداي-اق روللان سەيسەنباەۆتىڭ شىعارمالارى امەريكادا، ەۋروپادا جانە ازيادا وتە كوپ وقىلاتىنىن اتاپ ءوتىپتى. ماسەلەن، ونىڭ «قۇم كەزگەن ولىك­­­­تەر» رومان-ەپوسىنا دجون فارن­دون ( ۇلىبريتانيا)، گەورگي گاچەۆ، انا­­­تولي كيم (رەسەي)، ستيۆەن باۋ­مان، پور­تەر اندەرسەن (اقش) سەكىلدى اتاق-داڭق­تارى اسپانداعان قابىرعا­لى قا­لام­گەرلەر جوعارى باعالارىن بەرگەن.

ەل رۋحانياتىنا ەلەۋلى ەڭبەك سىڭىر­گەن ەرەن تۇلعامىزعا ەرەكشە قۇرمەت كورسەتىلۋى ارينە ءسۇيىنشى سۇراۋعا تۇرار­لىقتاي قۋانىشتى جاعداي. ويتكەنى حا­لىقارالىق قوعامداستىق قازاقستاندى بەيبىتسۇيگىش ساياساتىمەن، ەتەك-جەڭىن جيعان ەكونوميكاسىمەن، مۇناي-گازىمەن عانا ەمەس ادەبي-مادەني جاۋھارلارىمەن دە تانۋعا ءتيىس.

بۇعان دەيىن ء«وزىمدى ىزدەپ ءجۇرمىن»، «شايتاننىڭ تاعى»، «ەشقايدا باستا­مايتىن باسپالداقتار»، ء«ومىر سۇرگىڭ كەلسە»، «قازىبەكتىڭ ورالۋى»، «تۇنگى ديالوگ» جانە تاعى باسقا پروزالىق، درا­ماتۋرگيالىق تۋىندىلارىمەن وقىر­مان­عا ولجا سالعان روللان شاكەن­ ۇلى قوعامدىق بەلسەندى قارەكەتشىل قاسيەت­تەرىمەن دە جۇرتشىلىققا كەڭى­نەن تانىمال. وعان دالەل رەتىندە اعا­مىز­دىڭ لوندوندا «اباي ءۇيىن» اشقا­نىن، سەمەيدە حالىقارا­لىق اباي كلۋ­­بىن قۇرعانىن، الەمدىك ادەبيەت­تى اس­پەت­تەي­تىن «امانات» جۋرنالىنىڭ تۇسا­ۋىن كەس­كەنىن، سونداي-اق باسپاگەر رەتىن­دە كو­كىرەك كوزى اشىق كوپشىلىككە ارناپ ماز­مۇندى-ماعىنالى كىتاپتار شىعارىپ جۇر­­گەنىن ايتساق تا جەتكىلىكتى. ءسوز رەتى كەلىپ تۇرعاندا ۇلتجاندى ازا­مات­تىڭ ايتۋلى داتالارعا ارناپ ءال-ءفارا­بيدىڭ – 15، اباي­دىڭ 10 تومدىعىن بىرنەشە تىلدە باسىپ، ۇلىلارىمىزدىڭ مەرەيتويلارىنا لايىقتى تارتۋ-تارالعى جاساعانىن ايتا كەتكەنىمىز ءجون.

جازۋشىعا الداعى ۋاقىتتاردا دا شال­­قار شابىت، جاڭا جەتىستىكتەر تىلەيمىز.

 

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

العاشقى عارىش ايلاعى

وقيعا • بۇگىن، 08:48

تاريحي جەرلەردىڭ تاعىلىمى بولەك

رۋحانيات • بۇگىن، 08:30

شيرەك فينالدا ءسۇرىندى

تەننيس • بۇگىن، 08:11

ەل-كلاسيكودا جەڭىسكە جەتتى

فۋتبول • بۇگىن، 08:06

رۋحى بيىك ەل ەشقاشان جەڭىلمەيدى

رۋحانيات • بۇگىن، 08:05

يزرايلدەن باسىم ءتۇستى

سپورت • بۇگىن، 08:04

عىلىمنىڭ جاڭا بەلەسى

عىلىم • بۇگىن، 08:01

ۇلتتىق ۇردىستەر ۇزىلمەيدى

قازاقستان • كەشە

ۇقساس جاڭالىقتار