13-17 شىلدە ارالىعىندا جەدەل باقىلاۋ جانە قوردالانعان ماسەلەلەردى شەشۋ ءۇشىن اۋدان اكىمى بەرىك جاكەنوۆ جانە ونىڭ كومانداسى كەڭسەسىن ۇركەر تۇرعىن الابىنا كوشىردى. اۋدان اكىمدىگى جاۋاپتى مەملەكەتتىك ورگاندار مەن قالا اكىمدىگىنىڭ قۇرىلىمدىق بولىمشەلەرىنىڭ اراسىنان ۇركەردىڭ ماسەلەلەرىن شەشۋ ءۇشىن جۇمىس توبىن قۇردى. ءبىر اپتا بويى اشىق كەڭىستىكتە ەسىل اۋدانىنىڭ اكىمى ۇركەر تۇرعىندارىن قابىلدايدى.
"وسى ۋاقىت ىشىندە ءبىز 50-دەن استام ادامدى قابىلدادىق. جارىقتاندىرۋ, جول مەن ينجەنەرلىك جەلىلەر ماسەلەلەرى وزەكتىلىگىن جوعالتپايدى – ءبىز سول جەردە تۇسىندىرمەلەر بەرەمىز. سوعان قاراماستان, ءاربىر ءوتىنىم تىركەلىپ, پىسىقتالاتىن بولادى", دەدى ەسىل اۋدانى اكىمى بەرىك جاكەنوۆ.
بيىل ۇركەردە 2700 اعاش پەن كوشەت وتىرعىزىلادى, ونىڭ 1080-ءى وتىرعىزىلدى. سونىمەن قاتار "جۇمىسپەن قامتۋدىڭ جول كارتاسى-2020" باعدارلاماسى اياسىندا ەكى قوعامدىق كەڭىستىك اباتتاندىرىلۋدا. اۋدان اكىمدىگىنىڭ مەردىگەرلەرى قامىس پەن ارامشوپتەر جيناۋدى جالعاستىرۋدا. قازىردىڭ وزىندە بەس كوشەدە 17 مىڭ شارشى مەتر ءشوپ شابىلدى.
سونىمەن بىرگە ەكولوگيا پوليتسياسىنىڭ قىزمەتكەرلەرى قالا سىرتى مەن ايماقتارىنا قوقىس پەن قۇرىلىس قالدىقتارىن توگۋگە جول بەرمەۋ ماقساتىندا ءتۇسىندىرۋ جۇمىستارىن, رەيدتەر جۇرگىزۋدە. ەكى كۇن ىشىندە 15-كە جۋىق بۇيرىق شىعارىلىپ, اكىمشىلىك كودەكستىڭ 505-بابى بويىنشا 10 حاتتاما جاسالدى. ءوز كەزەگىندە قالالىق ساۋلەت باسقارماسى جەر ۋچاسكەلەرىن(يگەرىلمەگەن) تۇگەندەۋ, جاتاقحانا مەن كوپقاباتتى عيماراتتار سالۋ جوسپارلارىن ناقتىلاۋ جۇمىستارىن باستادى.
سونداي-اق جەكە تۇرعىن ءۇي سالۋعا, شوب, زاڭسىز جاتاقحانالارعا ارنالعان رۇقساتتار بەرۋمەن اينالىسۋدا. بۇگىنگى تاڭدا نىسانالى ەمەس ماقساتتاعى 80-نەن استام ۋچاسكە انىقتالىپ, ماتەريالدار ءتيىستى شارالار قابىلداۋ ءۇشىن جەر ينسپەكتسياسى ورگاندارىنا تاپسىرىلدى.
بۇدان بولەك, "استانا سۋ ارناسىمەن" بىرگە اشىق ۇڭعىمالاردىڭ تىزبەلەرى, كارىز قۇبىرلارىنداعى اقاۋلار تەكسەرىلىپ, سۋ تارتۋ جانە سۋدىڭ قىسىمىن رەتتەۋ ماسەلەسى پىسىقتالىپ جاتىر. تۇرعىن الابىنىڭ اۋماعىندا قوڭىراۋلارعا جەدەل جاۋاپ بەرۋ ءۇشىن ءموبيلدى بازا سالىنۋدا. ال "استانا قالالىق جارىق" كوشە جارىقتاندىرۋ قۇرىلعىلارىنا تۇگەندەۋ جۇرگىزۋدە. بيىل ۇركەردە 250-دەن استام جاڭا جارىقتاندىرۋ شامدارى ورناتىلادى.
جول, كارىز جانە ينجەنەرلىك جەلىلەر قۇرىلىسى بويىنشا جۇمىستاردىڭ اكىمشىسى – وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسى. مەردىگەرلەر №593 كوشەسىنە اسفالت توسەۋدە. قازىر 1,5 كم اسفالت توسەلىپ ۇلگەردى, بيىل بارلىعى 6 كم جولدى اسفالتتاۋ جوسپارلانعان. ءا.قاشاۋباەۆ كوشەسىندە (قوزىكوش بۇرىشى) ينجەنەرلىك جەلىلەر, ساتتارحانوۆ كوشەسىندە جەر استى سۋلارى دەڭگەيىن تومەندەتۋ جۇمىستارى جۇرگىزىلۋدە. سونداي-اق بەكەت اتا كوشەسىنىڭ بويىندا كارىز جەلىلەرى تارتىلۋدا. ەسكە سالساق, نۇر-سۇلتاننىڭ بارلىق ءتورت اۋدانىندا اۋقىمدى اباتتاندىرۋ جۇمىستارى جۇرگىزىلىپ, جولدار جوندەلۋدە. قوعامدىق ورىندار (اللەيالار, سكۆەرلەر, ساياباقتار), اۋلالار مەن سپورت الاڭدارى سالىنىپ, اعاشتار وتىرعىزىلۋدا.
