قازىعۇرت اۋداندىق پوليتسيا بولىمشەسىنە جەرگىلىكتى تۇرعىن ارىزدانادى. جابىرلەنۋشى ايەلدىڭ ايتۋىنشا, بەيتانىس ادام ونىڭ اتىنان 60 مىڭ تەڭگە ونلاين-نەسيە العان. ەكى جىلدا قارىزى 300 مىڭ تەڭگەدەن اسىپ كەتكەن. اتالعان جايت سدتتبت-نە ەنگىزىلىپ, قر قك-ءنىڭ 190-بابى "الاياقتىق" بويىنشا تىركەلدى. ارىزدانۋشىنىڭ شاعىمىنا سايكەس, الاياقتىڭ قىلمىسىن اشىپ, كۇدىكتىنى انىقتاۋ ماقساتىندا قازىعۇرت اۋدانى پوليتسەيلەرى قاجەتتى ءىس-شارالاردى جۇرگىزدى.
تەكسەرۋ جۇمىستارىنىڭ ناتيجەسىندە پوليتسەيلەر وسى قىلمىسقا قاتىستى كۇدىكتىنى ۇستادى. ول جابىرلەنۋشىنىڭ تۋىس قايىن ءسىڭلىسى بولىپ شىقتى. تەرگەۋ بارىسىندا انىقتالعانداي, جابىرلەنۋشى 2018 جىلدىڭ شىلدە ايىندا قايىن سىڭلىسىنەن ونلاين-نەسيە الۋعا ءوتىنىش تاستاپ بەرۋىن سۇراعان.
سونان سوڭ كۇدىكتى بويجەتكەندە جىمىسقى وي پايدا بولىپ, ول جابىرلەنۋشىنىڭ اتىنا ونلاين نەسيە رەسىمدەپ, ماقۇلداۋدى العاننان كەيىن, اقشانىڭ ءبىر بولىگىن يەمدەنگەنى بەلگىلى بولدى. كۇدىكتىنىڭ باس شاراسى مىندەتتەمەمەن بوساتىلدى. قازىرگى تاڭدا سوتقا دەيىنگى تەرگەۋ امالدارى جۇرگىزىلىپ جاتىر.
تۇركىستان وبلىسىنىڭ پوليتسەيلەرى تۇرعىندارعا: وزىڭىزگە قاتىستى جەكە, قۇپيا سانداردى ەشكىمگە بەرمەڭىزدەر دەپ ەسكەرتەدى. بانكتىك كارتوچكالارىڭىز مەن جەكە كۋالىگىڭىزگە, جالپى قۇجاتتارىڭىزعا ۇقىپتى بولىڭىزدار. ەگەر, وسىنداي ينتەرنەت-الاياقتىعىنىڭ كۋاسى نەمەسە قۇربانى بولساڭىز, تەز ارادا پوليتسيانىڭ "102" تەلەفونىنا حابارلاسىڭىزدار.
