كەشە مالايزيا پارلامەنتى سەناتىنىڭ پرەزيدەنتى تان سري ابۋ زاحار بين داتو نيكا ۋجانگ باستاعان مالايزيا پارلامەنتاريلەرىنىڭ دەلەگاتسياسى ەلىمىزدەگى رەسمي ساپار اياسىندا الماتىدا بولىپ, وسىنداعى حالىقارالىق يننوۆاتسيالىق تەحنولوگيالار ۋنيۆەرسيتەتىنە كەلدى.
دەلەگاتسيا قازاقستان مەن مالايزيانىڭ پارلامەنتارالىق ىنتىماقتاستىق ورايىنداعى, سونداي-اق ەكى ەلدىڭ ساۋدا-ەكونوميكالىق جانە مادەني-گۋمانيتارلىق سالالارداعى ءوزارا ءىس-قيمىل بىرلىگىنىڭ كوكەيكەستى ماسەلەلەرىن تالقىلاۋ ماقساتىن كوزدەگەن.
كەشە مالايزيا پارلامەنتى سەناتىنىڭ پرەزيدەنتى تان سري ابۋ زاحار بين داتو نيكا ۋجانگ باستاعان مالايزيا پارلامەنتاريلەرىنىڭ دەلەگاتسياسى ەلىمىزدەگى رەسمي ساپار اياسىندا الماتىدا بولىپ, وسىنداعى حالىقارالىق يننوۆاتسيالىق تەحنولوگيالار ۋنيۆەرسيتەتىنە كەلدى.
دەلەگاتسيا قازاقستان مەن مالايزيانىڭ پارلامەنتارالىق ىنتىماقتاستىق ورايىنداعى, سونداي-اق ەكى ەلدىڭ ساۋدا-ەكونوميكالىق جانە مادەني-گۋمانيتارلىق سالالارداعى ءوزارا ءىس-قيمىل بىرلىگىنىڭ كوكەيكەستى ماسەلەلەرىن تالقىلاۋ ماقساتىن كوزدەگەن.
وسى ساپار كەزىندە مالايزيا پارلامەنتىنىڭ دەلەگاتسياسى الماتى قالاسىنىڭ اكىمدىگىندە بولىپ, شاھاردىڭ جانە ءماسليحاتتىڭ باسشىلارىمەن جۇزدەستى. سونىمەن بىرگە, حالىقارالىق يننوۆاتسيالىق تەحنولوگيالار ۋنيۆەرسيتەتىندە بولعاندا وقۋ سالاسىمەن تانىستىقتى ودان ءارى دامىتىپ, تاجىريبە الماستى. دەلەگاتسيامەن ۋنيۆەرسيتەت باسشىلىعى جىلى شىرايلى كەزدەسۋ وتكىزىپ, مەيماندار وسىندا بيىلعى جىلدىڭ ءساۋىر ايىندا اشىلعان مالايزيا ءبىلىم بەرۋ ورتالىعىن كوردى.
بۇگىنگى تاڭدا مالايزيادا التى مىڭنان استام قازاقستان ازاماتتارى, جاستارى وقىپ ءبىلىم الۋدا. مالايزيا جوعارى وقۋ ورىندارىنا تاڭداۋدىڭ وسىنشالىقتى مول ءتۇسۋى ەكى ەلدىڭ رۋحاني جاقىندىعىنا جانە دامۋ ۇلگىلەرىنىڭ ۇقساستىعىنا بايلانىستى.
الماتى حالىقارالىق يننوۆاتسيالىق تەحنولوگيالار ۋنيۆەرسيتەتى نەگىزىندە مالايزيا ءبىلىم بەرۋ ورتالىعىنىڭ اشىلۋى ارقاسىندا الداعى جىلدىڭ قاڭتارىنان باستاپ, قازاقستاندىق ستۋدەنتتەر ءوز وتاندارىنان سىرتقا شىقپاي-اق Foundation باعدارلاماسى بويىنشا وقىپ, مالايزيانىڭ كەز كەلگەن ۋنيۆەرسيتەتىنە بىردەن ەكىنشى كۋرسقا تۇسە الادى. ەكىجاقتى كەزدەسۋلەر كەزىندە وسىنداي ءتيىمدى ۋاعدالاستىقتار ودان ءارى ناقتىلانىپ, پىسىقتالدى.
«ەگەمەن-اقپارات».
