نۇروتاندىقتار دارىگەرلەرگە جەمىس-جيدەك، ءسۇت ونىمدەرىن جەتكىزۋدە

قازاقستان • 15 شىلدە، 2020

نۇروتاندىقتار دارىگەرلەرگە جەمىس-جيدەك پەن ءسۇت ونىمدەرىن جەتكىزۋدە

30 رەت كورسەتىلدى

Nur Otan پارتياسى پاندەميا جاعدايىندا دارىگەرلەر مەن ناۋقاستارعا قولداۋ كورسەتۋدى جالعاستىرۋدا. وڭىرلەردەگى Jas Otan جاستار قاناتىنىڭ مۇشەلەرى ىندەتپەن كۇرەستە الدىڭعى شەپتە جۇرگەن اق حالاتتىلارعا اعارعان مەن جەمىس-جيدەك جەتكىزۋدى قولعا الدى، دەپ حابارلايدى Egemen.kz

ايىم ءداۋىت

اتاپ ايتقاندا، Nur Otan پارتياسى جانىنداعى Jas Otan جاستار قاناتىنىڭ ماڭعىستاۋ وبلىستىق فيليالى "جاڭاوزەن ءسۇت زاۋىتىنىڭ" قولداۋىمەن دارىگەرلەرگە شۇبات، شالاپ، ايران مەن قايماق سياقتى ءسۇت ونىمدەرىن تاراتىپ بەردى. مۇندا كۇنى-ءتۇنى ەڭبەك ەتىپ جۇرگەن دارىگەرلەر اقتاۋ قالاسىنداعى 4 قوناقۇيگە ورنالاستىرىلعان. وسى دارىگەرلەرگە جەمىس، ءسۇت ونىمدەرىن جەتكىزىپ بەرۋ ماڭعىستاۋ وبلىسىنداعى Nur Otan پارتياسى فيليالىنىڭ باقىلاۋىندا.

سونىمەن قاتار ماڭعىستاۋدا Nur Otan پارتياسىنىڭ باقىلاۋىمەن بىرىككەن اراب امىرلىگىنەن جەتكەن مەديتسينالىق قۇرال-جابدىقتار قالا مەن اۋداندارعا تاراتىلدى.

ءباا-دەن كەلگەن گۋمانيتارلىق كومەكتە مەديتسينالىق بەتپەردە، قولعاپ، قورعانىس كيىمى، تەست سىناماسى، يۆل اپپاراتى جانە ت.ب. بار. وبلىس اكىمدىگىنىڭ جانىنان دەپۋتاتتار، قوعام بەلسەندىلەرى جانە جۋرناليستەردەن قۇرالعان ارنايى باقىلاۋشى جۇمىس توبى ءوز قىزمەتىن اتقاردى. ماقسات – كەلگەن بارلىق زاتتى قالا، اۋدانداردىڭ قاجەتتىلىگىنە قاراي بولىنۋىنە جۇرتشىلىق اتىنان اتسالىسىپ، ءوز ۇلەستەرىن قوسۋ.

ال Jas Otan جاستار قاناتى باتىس قازاقستان وبلىسى فيليالىنىڭ ەرىكتىلەرى "اق حالاتتى ابزال جاندار اۋىرماسىن" اتتى ارنايى اكتسيا باستادى. جاسوتاندىقتار ىندەتتىڭ ورتاسىندا جۇرگەن دارىگەرلەرگە قولداۋ كورسەتىپ، يممۋنيتەتىن كوتەرۋ ءۇشىن ولارعا ساۋمال جەتكىزىپ جاتىر.

Nur Otan پارتياسى باتىس قازاقستان وبلىسى فيليالى توراعاسىنىڭ ءبىرىنشى ورىنباسارى مۇرات مۇقاەۆ باستارىن قاتەرگە تىگىپ، كوروناۆيرۋس جۇقتىرعان ناۋقاستاردى ەمدەپ جۇرگەن اق حالاتتىلارعا بارشامىز شامامىز كەلگەنشە قولداۋ كورسەتۋىمىز كەرەك دەيدى. سوندىقتان "جايلاۋ" شارۋا قوجالىعىمەن كەلىسىمگە كەلىپ، ەندى 1 اي بويى مەديتسينا ماماندارىن تەگىن ساۋمالمەن قامتاماسىز ەتەدى.

"جايلاۋدان" الىنعان 1 توننا ساۋمالدى جاسوتاندىق ەرىكتىلەر ءبىر اي بويى بقو جۇقپالى اۋرۋلار اۋرۋحاناسىنا جەتكىزىپ وتىرادى. ولار اتالعان اكتسيانى اۋىلداردا دا جۇزەگە اسىرۋعا شاقىردى.

"دارىگەرلەرگە مىڭ العىس!" – الماتىلىق جاسوتاندىقتار باستاعان اكتسيا وسىلاي اتالادى. اكتسيانىڭ ماقساتى – 4 ايعا جۋىق ۋاقىت بويى ءوز ومىرلەرىن قاتەرگە تىگىپ، بۇگىنگى قوعامنىڭ باتىرلارىنا اينالعان اق حالاتتى ابزال جاندارعا جاستار اتىنان العىس ءبىلدىرۋ، قولداۋ كورسەتۋ.

ەرىكتىلەر 800-دەن استام دەنساۋلىق سەبەتىن دايىندادى. جيىنتىققا يممۋنيتەتتى نىعايتۋعا ارنالعان ونىمدەر سالىنعان. اتالعان اكتسياعا الماتى قالاسى بويىنشا كوروناۆيرۋستىن الدىن الۋ جانە بولدىرماۋ ۆەدومستۆوارالىق كوميسسيا قولداۋ كورسەتتى.

جاسوتاندىق ۆولونتەرلەر بارلىق ساقتىق شارالارىن ەسكەرە وتىرىپ، اكتسيانىڭ العاشقى كۇنىندە ورتالىق قالالىق كلينيكالىق اۋرۋحاناعا، قالالىق كلينيكالىق جۇقپالى اۋرۋلار اۋرۋحاناسىنا جانە قالالىق جۇقپالى اۋرۋلاردىڭ كلينيكالىق بالالار اۋرۋحاناسىنا بارادى.