قازاقستان • 15 شىلدە، 2020

قازاقستان پاندەميا كەزىندە 15 ەلدەن گۋمانيتارلىق كومەك العان

97 رەت كورسەتىلدى

قازاقستان كوروناۆيرۋس پاندەمياسىمەن كۇرەستە 15 شەت ەلدىڭ گۋمانيتارلىق كومەگىن العان. بۇل تۋرالى بۇگىن سىرتقى ىستەر ءمينيسترىنىڭ ورىنباسارى ەرجان اشىقباەۆ ايتتى، - دەپ حابارلايدى Egemen.kz

شەت ەلدەردىڭ جىبەرگەن گۋمانيتارلىق كومەگىن سىرتقى ىستەر مينيسترلىگى مەن دەنساۋلىق ساقتاۋ مينيسترلىگى بىرلەسە كۇتىپ العان.
"ىندەت تاراعان كەزدەن باستاپ سىرتقى حالىقارالىق ارىپتەستەرىمىزدەن ءتيىستى قايىرىمدىلىق كومەكتى ەلگە جەتكىزۋ جۇمىستارىن جۇرگىزىپ كەلەمىز. بۇل جۇمىس وتە اۋقىمدى. ارينە، وسى ورايدا ەڭ الدىمەن ارىپتەستەرىمىز – قحر، اقش، رەسەي، ءباا، جاپونيا، تۇركيا، وڭتۇستىك كورەيا، كاتار، وزبەكستان جانە كوپتەگەن باسقا دا ەلدەرگە، دسۇ سياقتى حالىقارالىق ۇيىمدارعا، كومپانيالارعا، شەتەلدىك قايىرىمدىلىق قورلارىنا، جەكەلەگەن ازاماتتارعا ەلىمىزگە جاساعان قايىرىمدىلىق كومەكتەرى ءۇشىن شىنايى ريزاشىلىعىمىزدى جەتكىزگىم كەلەدى. جالپى، قازاقستانعا گۋمانيتارلىق كومەك بەرگەن ەلدەردىڭ سانى 15-تەن اسادى"، - دەدى ەرجان اشىقباەۆ.

سىرتقى ىستەر ءمينيسترىنىڭ ورىنباسارى ەلگە كەلگەن گۋمانيتارلىق كومەكتىڭ جالپى سوماسىن اتاعان جوق. بىراق، گۋمانيتارلىق كومەككە بايلانىستى بىرنەشە فاكتورلارعا ەرەكشە توقتالدى.
"بىرىنشىدەن، ىندەت جاھاندىق بولعاننان كەيىن ءبىز جۇمىسىمىزدى، ياعني، ءدارى-دارمەك ساتىپ الۋ نەمەسە شەتەلدەن قاجەتتى مەديتسينالىق قۇرىلعىلاردى، زاتتاردى اكەلۋ ماسەلەسىن دۇنيەجۇزىندەگى ۇلكەن باسەكەلەستىك جاعدايىندا ىسكە اسىرىپ جاتىرمىز. سوندىقتان مۇنى ەسكەرگەن ءجون. ەكىنشىدەن، گۋمانيتارلىق كومەك قانشالىقتى اۋقىمدى بولسا دا، ەڭ الدىمەن، ەڭ ۇلكەن جۇك ۇكىمەتىمىزگە، رەسپۋبليكالىق بيۋدجەتكە ءتۇسىپ وتىر. بىراق، ەڭ ۇلكەن جاۋاپكەرشىلىك جۇگى دەنساۋلىق ساقتاۋ مينيسترلىگىنە، دەنساۋلىق ساقتاۋ جۇيەسىندەگى ارىپتەستەرىمىزگە ءتۇسىپ وتىرعانى انىق. جالپى، ەلىمىزگە گۋمانيتارلىق جۇك رەتىندە 5 ملن 200 مىڭعا جۋىق مەديتسينالىق ماسكا، 98 وكپەنى جاساندى جەلدەتۋ اپپاراتى، 260 مىڭ تەست جۇيەسى، 3000 مىڭعا جۋىق تەپلوۆيزور مەن تەرمومەتر اكەلىندى"، - دەدى ول.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

5 ادام سۋعا كەتتى

قوعام • بۇگىن، 08:20

جاستارعا ارنالعان جارمەڭكە

قوعام • بۇگىن، 08:18

جاستار جۇمىسپەن قامتىلدى

قوعام • بۇگىن، 08:15

سالعىرتتىق سان سوقتىرماسا ەكەن

ايماقتار • بۇگىن، 08:12

كيىكتەر كىمگە كەدەرگى؟

قازاقستان • كەشە

ەكى اۋىلعا گاز جەتتى

ايماقتار • كەشە

ينفلياتسيا يىلە مە؟

قوعام • كەشە

ءدارى مەن ءسوز ءدارۋى

مەديتسينا • كەشە

ۇقساس جاڭالىقتار