14 شىلدە كۇنى نۇر-سۇلتان ۋاقىتىمەن ساعات 02:30-دا تۇركيا مەن ەۋروپاداعى قانداستار بىرىگىپ ۇيىمداستىرعان گۋمانيتارلىق كومەك قازاقستانعا كەلىپ جەتكەن بولاتىن.
كومەكتىڭ جالپى سالماعى - 900 كيللوگرامعا جۋىق. ونىڭ ىشىندە مەديتسينالىق زاتتار (بەتپەردە, تەرمومەتر, قورعانىش كوستيۋمدەرى جانە باسقالار) جانە وكپەنى جاساندى جەلدەتۋ قۇرىلعىلارى بار. بۇل مەديتسينالىق جابدىقتار ەلىمىزدەگى اۋرۋحانالارعا ۇلەستىرىلەدى.
جۇكتىڭ ءبىر بولىگىن «دۇنيەجۇزى قازاقتارىنىڭ قاۋىمداستىعى», «وتانداستار كورى» جانە ەلىمىزگە تۇركيادان ارنايى كەلگەن قازاق دياسپوراسىنىڭ وكىلدەرى نۇر-سۇلتان قالاسىنداعى جۇقپالى اۋرۋلار ورتالىعىنا تاپسىردى. گۋمانيتارلىق كومەكتىڭ قالعان بولىگى الماتى, شىمكەنت جانە شقو ەمحانالارىنا جەتكىزىلەدى.
