قازاقستان • 15 شىلدە، 2020

وتكەن تاۋلىكتە رەسپۋبليكادا 32 ورمان جانە دالا ورتكە وراندى

18 رەت كورسەتىلدى

اۋا رايىنىڭ ىستىق بولۋىنا بايلانىستى رەسپۋبليكادا ءور قاۋپى ءورشىپ تۇر. وتكەن تاۋلىكتە رەسپۋبليكا بويىنشا 32 ورمان جانە دالا ءورت وقيعاسى تىركەلدى. بۇل تۋرالى ءىىم تجك ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

الماتى وبلىسىنىڭ ەڭبەكشىقازاق، ىلە، تالعار، كەربۇلاق اۋداندارىنداعى جانە قاپشاعاي قالاسىنداعى، اقتوبە وبلىسىنىڭ ايتەكە بي، مۇعالجار، تەمىر، بايعانين، قوبدا، حرومتاۋ اۋداندارىنداعى، اتىراۋ وبلىسىنىڭ قىزىلقوعا اۋدانىنداعى، باتىس قازاقستان وبلىسىنىڭ سىرىم، قاراتوبە، جانىبەك، شىڭعىرلاۋ، ءبورىلى، بايتەرەك اۋداندارىنداعى قۇرعاق ءشوپتىڭ جانۋى اۋىزدىقتالدى. 

اتالعان وڭىرلەردە ورتكە ورانعان ايماقتىڭ جالپى اۋدانى 10648 مىڭ گا قۇرادى، سونىڭ ىشىندە اتىراۋ وبلىسىندا – 4405 گا جانە اقتوبە وبلىسىندا – 5000 گا ءورت اۋدانى ايتارلىقتاي اۋقىمدى الدى. ءورتتى اۋىزدىقتاۋعا تجد، ەرىكتى ءورت ءسوندىرۋ قۇرالامالارىنىڭ، ورمان شارۋاشىلىعىنىڭ كۇشتەرى مەن قۇرالدارى جۇمىلدىرىلدى.

باتىس قازاقستان  وبلىسىنداعى 2 ءورت جانە 4 جانۋ تجك باقىلاۋىندا، ولار اقجايىق اۋدانىنىڭ "بۋدارين ورمانشىلىعى" كمم جانە "چاپاەۆ ورمانشىلىعى"  كمم ورمان القابىنىڭ جانۋى، سونداي-اق تەرەكتى، اقجايىق، تاسقالا اۋداندارىنداعى قۇرعاق ءشوپتىڭ جانۋىنان تۋىنداعان. ورتتەردى جويۋ شارالارى قابىلدانۋدا.

ءىىم تج كوميتەتى ازاماتتاردى دالا جانە ورمان القاپتارىندا بولعان كەزدە قاۋىپسىزدىك قاعيدالارىن ساقتاۋعا شاقىرادى. تابيعي ورتتەردىڭ ورىن الۋىنىڭ نەگىزگى سەبەپتەرى: حالىقتىڭ وتتى ابايسىز پايدالانۋى، سوندىرىلمەگەن تەمەكى، الاۋ، جانىپ جاتقان سىرىڭكە، اتۋدان كەيىنگى تىعىننىڭ بىقسۋى، مايلى نەمەسە توزىعى جەتكەن شۇبەرەك، شىنى بوتەلكە، كولىك قۇرالىنىڭ سوندىرگىشىنەن ۇشقىن، قۇرعاق ەسكى ءشوپتى جاعۋ، نايزاعايدىڭ ويناۋى.

سوڭعى جاڭالىقتار

ۇقساس جاڭالىقتار