قۇجاتتار 20 شىلدەگە دەيىن ەمەس, 25 شىلدەگە دەيىن قابىلادانادى.
مەملەكەتتىك ءبىلىم بەرۋ گرانتىن تاعايىنداۋ كونكۋرسىنا قاتىسۋ ءۇشىن تالاپكەر Egov.kz "ەلەكتروندى ۇكىمەت" پورتالى ارقىلى كەلەسى قۇجاتتاردى تاپسىرۋ قاجەت:
ءوتىنىش;
ءبىلىمى تۋرالى قۇجات;
جەكە كۋالىك كوشىرمەسى.
مەديتسينالىق انىقتامالار ۋاقىتشا تالاپ ەتىلمەيدى.
ۇبت سەرتيفيكاتى جۇيەدە اۆتوماتتى تۇردە پايدا بولادى, سوندىقتان ونى Egov.kz- كە جۇكتەۋدىڭ قاجەتى جوق.
ۇبت سەرتيفيكاتتارى ەلەكتروندى فورماتتا بەرىلگەن بولاتىن!
كونكۋرس ناتيجەسى بويىنشا مەملەكەتتىك گرانتتىڭ بەرىلگەنى تۋرالى ەلەكتروندى سەرتيفيكات ۇسىنىلادى. تالاپكەرلەرگە قاعاز سەرتيفيكاتتاردى الۋ ءۇشىن ەشقايدا بارۋدىڭ قاجەتى جوق.
گرانتتاردى تاعايىنداۋ فورماتى وزگەرگەن جوق, ياعني ماۋسىم ايىندا وتكەن ۇبت قورىتىندىسى بويىنشا ۇمىتكەرلەر مەملەكەتتىك ءبىلىم بەرۋ گرانتىن تاعايىنداۋ كونكۋرسىنا قاتىسادى. وسى جىلى گرانتتار وقۋ تىلىنە بايلانىستى بولمايدى.
جوعارى وقۋ ورىندارىنا تالاپكەرلەردى تامىزدىڭ 10-25 ارالىعىندا وقۋعا قابىلدايتىن بولادى.
جوعارى وقۋ ورىندارىندا ءبىلىم قاشىقتان بەرىلەدى. ءداستۇرلى فورمات جەكە كەستە بويىنشا زەرتحانالىق جۇمىستار, وندىرىستىك وقىتۋ جانە كاسىبي پراكتيكا ءۇشىن وتكىزىلەدى.
