اۋليەاتالىقتارعا كومەك قولىن سوزدى

«Tek-imas» كومپانيا­سى جامبىل وبلى­سىنا 5 وتتەگى كونتسەنتراتورىن جىبەردى. اتالعان قۇرىلعىلار تاراز قالا­­سىن­داعى كوپسالالى كلي­ني­كا­لىق اۋرۋ­حانانىڭ پۋل­مو­نولوگيا بولى­مى­نە جەتكىزىلدى. سونداي-اق «Orhun Medical» جانە «Yildiz Holding» كوم­پا­­نيا­سىنداعى تۇرىك ينۆەستورلارى قا­ۋىپتى ىندەتپەن كۇرەس كەزىندە ەڭبەك ەتىپ جۇرگەن جامبىلدىق مەديتسينا قىزمەتكەرلەرىنە 450 قورعانىس كيىم جيىن­تى­عىن الىپ بەر­دى. ونىڭ قا­تا­­رىندا قور­عا­نىس جا­مىل­عىلارى, قول­­عاپ­تار, مەديتسينالىق ماس­كا­لار, قال­قان­دار جانە تاعى دا باسقا زاتتار بار. اتال­عان گۋمانيتارلىق كومەك «Air Astana» ۇلت­تىق اۋە تاسىمالىنىڭ تىكە­لەي قولداۋىمەن ەلگە جەتكىزىلەدى.

قيىن كەزەڭدەگى شۇعىل گۋماني­تار­لىق كومەگى ءۇشىن تاراز قالالىق كوپ­بەيىندى كلينيكالىق اۋرۋ­حا­نا­سى­نىڭ ۇجىمى تۇرىك تاراپىنا جانە قازاق­س­تاننىڭ تۇركياداعى ەل­شى­لىگىنە ري­زا­­شىلىعىن ءبىلدىردى. «جامبىلدىق دا­رى­گەرلەر باۋىرلاس حا­لىقتىڭ كو­مە­­گىن ريزا­شى­لىقپەن قابىلداپ, مۇنى كوروناۆيرۋس ىندەتى­مەن كۇرەس كەزىن­دە ىنتى­ماق­تاستىقتىڭ ايقىن كورىنىسى دەپ سانايدى. كومەك تەك شەتەلدەن عانا ەمەس, سونىمەن قاتار جەرگىلىكتى ۇيىمداردان دا, جاناشىر تۇلعالاردان دا كەلۋدە», دەيدى تاراز قالا­لىق كوپبەيىندى كليني­كالىق اۋرۋ­حاناسى باس دارىگەرىنىڭ ورىنباسارى ەربول وردابەكوۆ. اۋليەاتالىق دارىگەرلەر تارازداعى «ەسكۋلاپ» ەمدەۋ ورتالىعىنىڭ ديرەكتورى ولەگ راتنيكوۆقا NewPort HT-70 تىنىس الۋ اپپاراتىن تارتۋ ەتكەنى ءۇشىن العىس بىلدىرەدى. سونداي-اق تاراز قالا­لىق كوپبەيىندى كلينيكالىق اۋرۋ­حا­نا­سى­نىڭ رەانيماتسيا جانە پۋلمونو­لو­گيا ءبولىمىنىڭ دارىگەرلەرى مەن مە­دي­تسينالىق قىز­مەت­كەرلەرى اقىلبەك سادىرباەۆ پەن باحروم مۋمينوۆ سياق­تى جەر­گى­لىكتى كاسىپكەرلەرگە ىستىق تۇسكى اس ۇيىمداستىرعانى ءۇشىن العىس ايتا­دى. 

– سونىمەن قاتار بۇگىنگى تاڭدا وبلىس اكىمى بەردىبەك ساپارباەۆتىڭ تاپ­سىر­ماسى بويىنشا وبلىستىق دەن­ساۋ­لىق ساقتاۋ باسقارماسى ناۋ­قاس­تار ءۇشىن قوسىمشا توسەك دا­يىنداپ, ءدارى-دارمەكتەر مەن مەدي­تسي­نالىق جاب­دىق­تار ساتىپ الۋدا. بۇگىندە وبلىس­تىڭ مەديتسينالىق مەكە­مە­لە­رىندە 70 وت­تەگى كونتسەنتراتورى بار. ال وسىدان بىرەر كۇن بۇرىن دە­مەۋشىلەر ەسە­بى­نەن قو­سىمش­ا 11, جەرگىلىكتى بيۋدجەت ار­قىلى تاعى 4 وتتەگى كونتسەنتراتورى ساتىپ الىندى. وبلىستىڭ مەدي­تسي­ن­الىق مەكەمەلەرى بارلىعى 146 وكپەنى جا­ساندى جەلدەتۋ اپپاراتىمەن قام­تىل­عان. ەندى جۋىردا جەرگىلىكتى جانە رەس­پۋب­لي­كالىق بيۋدجەت ەسەبىنەن ساتىپ الىنعان 62 وكپەنى جاساندى جەلدەتۋ اپپاراتى جەتكىزىلەدى.

جامبىل وبلىسى