"قاشىقتان وقىتۋ فورماتىندا پەداگوگتارعا قويىلاتىن بىرقاتار تالاپ بار. بىرىنشىدەن, ءىت تەحنولوگياسى بويىنشا تالاپ. ولار ءىت تەحنولوگياسى, ينتەرنەت پلاتفورماسى, ينتەرنەت جۇيەسىمەن جۇمىس ىستەي ءبىلۋى كەرەك. ءبىز دايىنداعان بىلىكتىلىكتى ارتتىرۋ كۋرستارىندا مۇعالىمدەرگە وسىمەن جۇمىس ىستەۋگە ۇيرەتەمىز", – دەدى اسحات ايماعامبەتوۆ.
سونداي-اق مينيستر قاشىقتان وقۋدىڭ قىر-سىرىن مەڭگەرۋ ءۇشىن مۇعالىمدەر ارنايى كۋرس وقيتىنىن مالىمدەدى.
"سىنىپتا ساباق بەرۋ مەن قاشىقتان ساباق بەرۋدىڭ ايىرماشىلىعى وتە كوپ. وقۋ ادىستەمەسى تۇرعىسىنان قاراعاندا بۇل وتە ماڭىزدى پروتسەسس, سول سەبەپتى الدىمىزدا ارىپتەستەرىمىزدىڭ كاسىبي بىلىكتىلىگىن ارتتىرۋ ماسەلەسى تۇر. 20 شىلدەدەن باستاپ مۇعالىمدەر ەڭبەك دەمالىسىنان جۇمىسقا شىعا باستايدى. سول كەزدە وسى كۋرستاردان وتەدى", – دەيدى ول.
