"دانىككەن قارساق قۇلاعىمەن ءىن قازار" دەمەكشى ۇرلىقشى بۇرىن دا سوتتى بولعاندى-مىس. ول جابىرلەنۋشىگە 20 مىڭنان استام تەڭگەدەي شىعىن كەلتىرگەن.
ۇرلىقشىنىڭ ءىسى قر قك-ءنىڭ 188 بابى "ۇرلىق" بويىنشا تىركەلدى. وقيعا ورنىنا دەرەۋ كەلگەن پوليتسيا وكىلدەرى, ۇرلىقشىنىڭ ءىزىن سۋىتپاي, ءتىنتۋ جانە تەرگەۋ جۇمىستارىنا كىرىستى. سونداي-اق كۋاگەرلەردەن جاۋاپ الىنىپ, بەينەباقىلاۋ كامەرالارىن تەكسەرگەندە, ەر ادامنىڭ ۇرلاعانى انىقتالدى.
تەرگەۋ بارىسىندا ەر ادام دۇكەن مۇلكىن ىشىنەن كيىپ العان. سولاي ءىزىن سۋىتپاققا تىرىسقان. جەدەل ءىس-ارەكەتتىڭ بارىسىندا ۇرلىقشى قۇرىقتالدى. ونىڭ جەكە باسى مەن جەرگىلىكتى مەكەنجايى انىقتالىپ, ايعاقتى زاتتارىمەن بىرگە قولعا ءتۇسىپ, ءىسى سوت الدىنا قاراۋعا جىبەرىلدى.
بۇدان بولەك, پوليتسيا وكىلدەرى دۇكەن يەلەرىنە اسا مۇقيات بولۋىن جانە بەينەباقىلاۋ كامەرالارىنا دابىل جۇيەسىن ورناتۋدى سۇرادى.
