پىكىر • 14 شىلدە، 2020

ءار ازاماتتىڭ ءومىرى قىمبات

47 رەت كورسەتىلدى

كەشە مەملەكەتىمىزدىڭ تۋى ءتۇسىرىلىپ، ەلىمىز مەشىتتەرىندە قۇران قاتىم دۇعاسى وقىلدى. جيىلەپ كەتكەن جامانات حاباردان قابىرعامىز قايىسىپ وتىر. قازاق حالقى قانشاما اياۋلى ازاماتىنان ايىرىلدى.

ەل-جۇرتىمىزعا قايعى­رىپ كوڭىل ايتا وتىرىپ، سابىر­لىققا شاقىرامىز.

جىل سايىن الماتى ما­ڭىنداعى جاڭالىق قو­رى­مىنا بارىپ، 1937-1938 جىل­دارى ساياسي قۋعىن-سۇر­گىنگە ۇشىراعان ساكەن، ءىلياس، بەيىمبەتتەي تۇلعالارىمىزعا تاعزىم ەتىپ، قۇران وقىپ، ازا تۇتىپ قايتاتىن ەدىك. مى­نا ازا تۇتۋ كۇنى دە سو­نىڭ جال­عاسىنداي بولىپ تۇر­­عانى جانىمىزعا باتادى. باسپاسوزدە، الەۋمەتتىك جەلىلەردەگى جانتۇرشىگەرلىك قارالى حابارلاردى قاي-قايسىمىز بول­ساق تا بەي-جاي قابىلداي الماي وتىر­عانىمىز انىق. امال قان­شا. بىرنەشە جا­قى­نى­نان ايىرىلىپ جاتقان شا­ڭىراقتار بار. اللا قاي­عىنىڭ ارتىنىڭ قايىرىن بەرسىن. بۇل حال­قىمىز ءۇشىن قاسىرەتتى كۇن. سۋىت حابار كەلمەسە ەكەن دەگەن تىلەك بار­شامىزعا ورتاق. ەلىمىز ءۇشىن ءاربىر ازا­ماتتىڭ ءومى­رى قىمبات. سوندىقتان وزىمىزگە-ءوزىمىز بەكەم بولىپ، ىرگەمىزدى بەكىتىپ، كاران­تين تالاپتارىن قاتاڭ ساقتاپ وتى­رۋعا ءتيىسپىز. سانيتارلىق-گي­گيەنالىق تالاپتاردى ساق­تاعاننان باسقا امالىمىز قالمادى. ەل ۇكى­مەتى دە قاراپ قالماي، قول­دان كەلگەن شارالاردى ۇيىم­داستىرۋدا. ازىرگە ناتيجەسى بولماي تۇر.

 

ءجۇرسىن ەرمان،

قازاقستاننىڭ ەڭبەك سىڭىرگەن قايراتكەرى

سوڭعى جاڭالىقتار

ۇقساس جاڭالىقتار