ساراپشىلاردىڭ پىكىرىنشە, كوروناۆيرۋس الەمدەگى كومپانيالاردىڭ جوسپارىنا ەلەۋلى تۇزەتۋلەر ەنگىزدى. ەلدەر ۇكىمەتتەرىنىڭ ەنگىزگەن شارالارى كومپانيالاردىڭ جۇمىسىن ءىشىنارا نەمەسە تولىق توقتاتۋعا الىپ كەلدى. وسى تۇرعىدا قارجى تەحنولوگياسى سەكتورىندا جاڭا مۇمكىندىكتەر پايدا بولدى.
وسىلايشا, Tech Nation amd Dealroom ەسەبىنە سايكەس, فينتەح كوروناۆيرۋستىق داعدارىس كەزىندە تۇراقتىلىق كورسەتتى, ال 2020 جىلى لوندوننىڭ تەحنولوگيالىق كومپانيالارى بارلىق ۆەنچۋرلىك ينۆەستيتسيانىڭ 39%-ىن قۇرادى. deVere Group كونسالتينگتىك كومپانياسى جۇرگىزگەن باسقا زەرتتەۋ پاندەميا اياسىندا ەۋروپا تۇرعىندارى فينتەح-قوسىمشالاردى 72%-عا ءجيى پايدالانا باستاعانىن حابارلايدى.
قازاقستان مەن ورتالىق ازياداعى جاعداي دا وسى شامالاس. ەلىمىزدە بانكتەر مەن باسقا دا كرەديتتىك ۇيىمداردىڭ ۋاقىتشا جابىلۋىنا بايلانىستى قارجى ينستيتۋتتارى وزدەرىنىڭ تسيفرلىق سەرۆيستەرىن دامىتا باستادى. مىسالى, كارانتين اياسىندا العاش رەت كارتوچكالىق شوتتاردى قاشىقتان اشۋ قىزمەتى پايدا بولدى. ءساۋىر ايىنىڭ سوڭىنا قاراي ەلىمىزدە 1 ملن-نان استام ادام كارتوچكالىق شوتتاردى اشۋعا ونلاين ءوتىنىم بەرىپ, 700 مىڭعا جۋىق ادام كارتانى ۇيىنە الدىرعان.
ساراپشىلار فينتەحتىڭ دامۋى جانە بانكتەرگە بارماي-اق الۋعا بولاتىن جاڭا قىزمەتتەر ترەندى ودان ءارى دامي بەرەدى دەپ ەسەپتەيدى.
ال يسلام قارجىسى سالاسىنداعى حالىقارالىق ءبىلىم بەرۋ ورتالىعىنىڭ پرەزيدەنتى جانە باس ديرەكتورى دوكتور موحد ازمي وماردىڭ پىكىرىنشە, قازاقستان ورتالىق ازيادا يسلام قارجى قىزمەتتەرىن تاراتۋ ورتالىعىنا اينالۋى مۇمكىن. ول يسلام قارجىسى سالاسىندا زاڭنامانى ودان ءارى دامىتۋ جانە جاڭا فينتەح-شەشىمدەردىڭ پايدا بولۋى ءۇشىن جاعداي جاساۋ ماڭىزدى دەپ ەسەپتەيدى.
«يسلامدىق قارجىلاندىرۋدا جۇمىس ىستەيتىن بارلىق كاسىپورىن تسيفرلى فورماتقا ءوتۋى ءۇشىن جاعداي جاساۋ قاجەت. احقو بۇعان كومەكتەسە الادى», دەپ اتاپ ءوتتى بۇل جايىندا سپيكەر.
ونىڭ پىكىرىنشە, فينتەح-كومپانيالار نارىققا p2p شەشىمدەرىن ۇسىنا الادى, ياعني ءبىر جۇيەنىڭ قاتىسۋشىلارى اراسىنداعى قارجىلاندىرۋ, كراۋدفاندينگ. بۇل اقشا شوب-تى قارجىلاندىرۋ ءۇشىن پايدالانىلۋى مۇمكىن. ءسويتىپ سەكتور كومپانيالارىنىڭ دامۋىنا كومەكتەسەتىن يكەمدى زاڭناما ارقىلى قازاقستان ورتالىق ازيادا يسلام قارجى قىزمەتتەرىن تاراتۋ ورتالىعىنا اينالۋى مۇمكىن.
«ينفراقۇرىلىمدى تاراتۋدان باسقا, قارجىلىق ساۋاتتىلىقتى دا تاراتۋ ماڭىزدى. ينۆەستورلاردى اقشانى قالاي سالۋعا جانە قولجەتىمدى قۇرالداردى ءتيىمدى پايدالانۋعا ۇيرەتۋ كەرەك», دەدى كونفەرەنتسيادا ءسوز العان تاعى ءبىر يسلامدىق قارجى قىزمەتى جونىندەگى ساراپشى مەحدي بەنسليمان.
سونداي-اق «Online Astana Finance Days-2020» كونفەرەنتسياسى اياسىندا تسيفرلى فورماتتا EdTech ءبىلىم بەرۋ تەحنولوگيالارىنىڭ ەكىنشى قازاقستاندىق فورۋمى ءوتتى. بيىلعى ورتاق تاقىرىپ – الەۋمەتتىك وقشاۋلاۋ ساباقتارى اياسىندا الەم بويىنشا ءبىلىم بەرۋدى تسيفرلاندىرۋ.
ءسوز العان ساراپشىلار پىكىرىنشە, پاندەميا مەن الەۋمەتتىك وقشاۋلاۋ ءبىلىم بەرۋ تەحنولوگيالارى يندۋسترياسى ءۇشىن ىنتالاندىرۋعا اينالدى – الەم بويىنشا ءبىلىم بەرۋ جۇيەسىنىڭ جەدەلدەتىلگەن تسيفرلى ترانسفورماتسياسى ءجۇرىپ جاتىر. مەكتەپتەر, جوعارى وقۋ ورىندارى جانە كاسىبي سەرتيفيكاتتاۋ جىلدام ونلاين جۇيەگە كوشۋدە جانە وسى سالاداعى جاڭا تسيفرلى شىنايىلىق جاقىندا جۇزەگە اسپاق.
ساراپشىلار جوعارى بىلىكتى اT-مامانداردى ىزدەۋ جانە ءبىلىم بەرۋگە تارتۋدىڭ وزەكتى ماسەلەلەرىن; يندۋستريانىڭ الەۋمەتتىك وقشاۋلاۋدان جانە ءبىلىم بەرۋدىڭ تسيفرلى ترانسفورماتسياسىنان العان ساباقتاردى; تسيفرلى ەكونوميكاداعى ادام كاپيتالىنىڭ ءرولىن جانە ءتورتىنشى ونەركاسىپتىك رەۆوليۋتسياداعى ءبىلىم بەرۋدىڭ ورنىن تالقىلادى.
«احقو اكىمشىلىگى» اق باسقارما توراعاسىنىڭ ورىنباسارى ەرنۇر رىسماعامبەتوۆ 2020 جىل كوپكە دەيىن ەستە قالاتىنىن جانە زامانداستارى تسيفرلى ترانسفورماتسيا كەيستەرىن كەيىن مازمۇنداپ وتىراتىنىن, مىسالى, «تۇتاس يندۋستريالار مەن ەلدەر ءبىر عانا ماسەلەنى شەشۋ ءۇشىن بىرىككەنىن – EdTech ەسەبىنەن الەۋمەتتىك قاشىقتىقتى ساقتاۋ ءۇشىن دۇرىس شەشىمدەردى ىزدەگەنىن ايتىپ وتىرادى» دەگەن ويىن جەتكىزدى.
«سوندىقتان ءبىز ەكونوميكانىڭ ەكولوگيالىق سالاسىندا – ءبىلىم بەرۋدە شەشىمدەر ۇسىنا الاتىن جانە حالىقارالىق كوللابوراتسيا جاساي الاتىن ۇزدىك ساراپشىلاردىڭ باسىن قوستىق», دەدى ول.
«زەردە» ۇلتتىق ينفوكوممۋنيكاتسيالىق حولدينگى» اق باسقارما توراعاسىنىڭ ورىنباسارى پاۆەل كوكتىشەۆ قازىرگى تاڭدا ءبىلىم بەرۋ سالاسى ۇلكەن وزگەرىستەرگە ۇشىراپ وتىرعانىن اتاپ ءوتتى. ءبىلىم بەرۋدەگى يكەمدى ءارى ءتيىمدى تاسىلدەر نەعۇرلىم قولجەتىمدى بولىپ كەلەدى, ءبىلىم بەرۋدىڭ جاڭا يندۋسترياسىن قالىپتاستىراتىن يننوۆاتسيالىق ادىستەر پايدا بولۋدا.
«يننوۆاتسيالىق تەحنولوگيالاردى ءتيىمدى قولدانۋدى راستايتىن قازاقستاندىق جوبالار مەن باستامالاردىڭ تابىستى جۇزەگە اسىپ جاتقان مىسالدارى قۋانتادى. قازىر يندۋستريانىڭ بۇل وزگەرىستەرى مەن جاڭالىقتارىن ءارتۇرلى ەكوجۇيەلەردىڭ ساراپشىلارىمەن تالقىلايتىن ۋاقىت كەلدى, مۇندا ورتاق شەشىمگە كەلىپ, ءبىلىم بەرۋدىڭ وسى كەزەڭىندە قانداي وزگەرىستەر ەنگىزۋ قاجەتتىگىن تالقىلاۋعا بولادى», دەدى ول.
