قازاقستان • 13 شىلدە، 2020

اسكەريلەر كوروناۆيرۋس ىندەتىنەن قازا بولعانداردى ءبىر مينۋت ۇنسىزدىكپەن ەسكە الدى

31 رەت كورسەتىلدى

2020 جىلدىڭ 13 شىلدەسى قازاقستاندا كوروناۆيرۋس ينفەكتسياسىنان قازا بولعانداردى ۇلتتىق ازا تۇتۋ كۇنى. نۇر-سۇلتان قالاسى ۋاقىتى بويىنشا ساعات 12:00-دە بۇكىل ەلدە ۇنسىزدىك مينۋتى جاريالاندى. كوروناۆيرۋس پاندەمياسىنىڭ قۇربانى بولعان ازاماتتاردى قازاقستان قارۋلى كۇشتەرىنىڭ اسكەري قىزمەتشىلەرى دە ەسكە الدى.

قورعانىس مينيسترلىگىندە، بارلىق اسكەري بولىمدەر ۇنسىزدىك مينۋتى كارانتين تالاپتارىن قاتاڭ ساقتاۋمەن وتكىزىلدى.

ۇلتتىق ازا تۇتۋ كۇنىندە قورعانىس ۆەدومستۆوسىنىڭ، ەلىمىزدىڭ بارلىق اۋماقتارىنداعى اسكەري بولىمدەر مەن مەكەلەردىڭ مەملەكەتتىك تۋى، ءداستۇر بويىنشا ساعات 8:00-دە كوتەرىلەتىن اسكەري-تەڭىز كۇشتەرى كەمەلەرىندە تۋى تومەن ءتۇسىرىلدى.

قازا بولعانداردى ەسكە الۋ مەن قۇرمەتتەۋ ءۇشىن ىندەتپەن كۇرەسكە بەي-جاي قارامايتىن ازاماتتار قازا تۇتۋ بەلگىسىن تاقتى.

قازاقستان رەسپۋبليكاسى قارۋلى كۇشتەرى پاندەميانىڭ العاشقى كۇنىنەن باستاپ وتانداستارىمىزعا ىندەتتى جانە ونىڭ سالدارىن جويۋداعى كۇرەستە بەلسەندى كومەك كورسەتىپ كەلەدى.

سوڭعى جاڭالىقتار

ۇقساس جاڭالىقتار