"ىشكى ىستەر ءمينيسترى ەرلان تۇرعىمباەۆتىڭ تاپسىرماسىمەن قاماۋداعىلار پوليتسيا وكىلدەرىن, مەديتسينا قىزمەتكەرلەرىن جانە تۋىستارىن جەكە قورعاۋ قۇرالدارىمەن قامتاماسىز ەتەدى. وسى باعىت بويىنشا قارقىندى جۇمىستار جۇرگىزىلۋدە. ءونىمنىڭ ماتەريالى گيپواللەرگەندى. شاڭنان قورعاۋ قاسيەتتەرىنە يە جانە جۇقپالى اۋرۋلاردىڭ قاۋپىن ازايتادى", دەپ اتاپ ءوتتى شقو بويىنشا قاج دەپارتامەنتىنىڭ وكىلى.
شقو بويىنشا قاج وۆ-156/21 ايەلدەر كولونياسىندا جازاسىن وتەپ جاتقان ەكس-دارىگەر دانا ديداروۆا كوروناۆيرۋس ىندەتىنىڭ اۋىر كەزەڭىندە ءوز تۋعان-تۋىستارىنا, مەديتسينا جانە پوليتسيا قىزمەتكەرلەرىنە قالاي كومەكتەسۋگە بولاتىنىن ايتىپ بەردى.
"قازىر ءبىزدىڭ مەكەمەدە تىگىن تسەحى ءوز شتاتىن ۇلعايتىپ جاتىر. بۇل قورعانىس بەتپەردەلەرىن تىگۋدە, مەملەكەتتىك تاپسىرىستى ورىنداۋمەن بايلانىستى. ءبىز ونى ۇلكەن جاۋاپكەرشىلىكپەن اتقارامىز. سونىمەن قاتار ءبىزدىڭ تىگىنشىلەر دە ء"بىز بىرگەمىز!" اكتسياسىن قولدايدى, دەيدى ول.
