پرەزيدەنت ء«ار قازاق مەنىڭ جالعىزىم» دەگەندى اسەرلى جەتكىزە ءبىلدى. ۇندەۋدە تاپسىرمالار بەرىلىپ قانا قويماي, ىندەتتەن قايتىس بولعان مارقۇمداردىڭ وتباسىنا كوڭىل ايتىلىپ, 13 شىلدە ۇلتتىق ازا تۇتۋ كۇنى دەپ جاريالاندى. بۇل دا ەڭسەسى تۇسكەن ەلدىڭ كوڭىلىنە مەدەت. بۇگىنگى كۇنى ماڭىزدى ماسەلەگە اينالىپ وتىرعان ءدارى-دارمەك جەتىسپەۋشىلىگى ماسەلەسىن شەشۋگە باعىتتالعان ناقتى تاپسىرمالار ايقىندالدى.
اكىمدىكتەردىڭ, مينيسترلىكتەردىڭ جۇمىسىندا كەمشىلىكتەر بار ەكەنىن جانە ونىڭ ەلەۋسىز قالمايتىنى, كىنالىلەردىڭ انىقتالىپ, ءتيىستى جازالاناتىنى بەلگىلى بولدى. بۇل مەنىڭ كوڭىلىمنەن شىقتى.
تاعى ءبىر كوتەرىلگەن ماسەلە الداعى كۇندەرى ىندەتكە قارسى كۇرەستىڭ شەشۋشى كەزەڭى ەكەنى ەسكەرتىلدى. بۇل حالىقتىڭ سەنىمىنە وڭ اسەر ەتىپ وتىر. قاراپايىم حالىققا جىگەر بەرىپ, جاقسىلىق جارشىسىنداي بولدى. شەشۋشى كەزەڭ دەگەننىڭ ءوزى ۇلكەن ۇمىتكە باستايدى. ويتكەنى ىندەتكە قارسى كۇرەسكە مەملەكەتتىك دەڭگەيدە اۋقىمدى شارالاردىڭ قولعا الىناتىنىن ءبىلۋ ءدال قازىرگى كەزدە قوعامعا قاجەت ەدى. مۇنداي سوزدەر دەر كەزىندە, ءدال قاجەت ۋاقىتتا ايتىلدى دەپ ەسەپتەيمىن.
زەيىن الىپبەك,
تەلەجۋرناليست
