ايماقتار • 09 شىلدە، 2020

نۇر-سۇلتاندا 23 الىپساتار ۇستالدى

27 رەت كورسەتىلدى

نۇر-سۇلتان قالاسىنىڭ پوليتسەيلەرى مەديتسينالىق قۇرالداردى زاڭسىز ساتۋ فاكتىلەرىن انىقتاۋ بويىنشا رەيدتى جالعاستىرىپ جاتىر. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى.

دارىلىك پرەپاراتتار مەن مەديتسينالىق قۇرالداردى زاڭسىز وتكىزۋ فاكتىلەرىن انىقتاۋ بويىنشا وتكىزىلگەن جەدەل-الدىن الۋ ءىس-شارالارىنىڭ ءتورت كۇن ىشىندە نۇر-سۇلتان قالاسى پوليتسيا دەپارتامەنتىنىڭ قىزمەتكەرلەرى ءتيىستى رۇقساتسىز مەديتسينالىق قۇرالدار مەن پرەپاراتتاردى زاڭسىز وتكىزگەن 23 ادامدى ۇستاعان. تاركىلەنگەن پرەپاراتتاردىڭ جالپى سوماسى توعىز ميلليوننان استام تەڭگەنى قۇرايدى.

وسىلايشا، جەدەل-الدىن الۋ ءىس-شاراسىن وتكىزۋ بارىسىندا دۇكەن ۇلى كوشەسىنىڭ بويىندا 35 جاستاعى قالا تۇرعىنى ۇستالىپ، ودان جالپى سوماسى ءبىر جارىم ميلليونعا جۋىق تەڭگەنى قۇرايتىن مەديتسينالىق قولعاپتار، انتيسەپتيكتەر تاركىلەنگەن. سونىمەن قاتار رەيد بارىسىندا جارتى ميلليوننان استام تەڭگە سوماسىنا مەديتسينالىق بەتپەردە ساتپاق بولعان 33 جاستاعى قالا تۇرعىنى ۇستالعان.

7 شىلدەدە ساعات 17.15-تە پوليتسەيلەر ەكى ازاماتتىڭ مەديتسينالىق ونىمدەردى زاڭسىز وتكىزۋ فاكتىسىن انىقتاعان، ولاردىڭ اۆتوكولىگىنىڭ جۇكسالعىشىندا 180 مىڭ تەڭگە سوماسىنا جالپى كولەمى 100 ليتر بولاتىن كانيستراداعى انتيسەپتيك، 350 مىڭ تەڭگەگە مەديتسينالىق بەتپەردە بولعان. 

ءاربىر انىقتالعان فاكتى بويىنشا قولدانىستاعى زاڭناماعا سايكەس قۇقىقتىق باعا بەرىلەتىن بولادى. 

نۇر-سۇلتان قالاسىنىنىڭ پوليتسيا دەپارتامەنتى ازاماتتاردان زاڭسىز دارىلىك قۇرالداردى ساتۋ فاكتىلەرىن بىلەتىن بولسا پوليتسياعا حابارلاسۋلارىن سۇرايدى.

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار