وقيعا • 09 شىلدە، 2020

الماتىدا بانك كارتاسىنان اقشا ۇرلاۋ دەرەگى اشكەرەلەندى

102 رەت كورسەتىلدى

الماتى وبلىسىندا بانك كارتاسىنان اقشا ۇرلاۋ دەرەگى اشكەرەلەندى. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى.

كوكسۋ اۋدانى پوليتسياسىنىڭ كەزەكشى بولىمىنە 64 جاستاعى ەر ادام حابارلاسىپ، ءوزىنىڭ جاقىندا بانك كارتوچكاسىنىڭ ۇرلانعانىنا جانە كارتاداعى 130 مىڭ تەڭگە اقشانىڭ قولدى بولعانىنا ارىزدانعان. زارداپ شەگۋشى كارتانى ءوز بەتىنشە تاۋىپ، قالپىنا كەلتىرۋگە تىرىسقان، الايدا ارەكەتى ءساتسىز بولعان.

الدىن الا تەكسەرۋ بارىسىندا ءتارتىپ ساقشىلارى كارتا يەسىنىڭ جاقىن كۇندەرى وزەن بويىندا ەكى كۇن دەمالعانىن جانە جاقىن تانىس ەمەس ادامنىڭ سومكەسىنە كارتاسى مەن ونىڭ قۇپيا كىلتى بار كونۆەرتتى سالىپ قويعانىن انىقتاعان.

سونداي-اق، بەيتانىس جان وقيعا ورنىنان بەلگىسىز باعىتتا ءىز سۋىتقان. پوليتسەيلەر جەدەل ىزدەستىرۋ شارالارى بارىسىندا قىلمىسقا قاتىسى بار دەگەن كۇدىكپەن الماتى قالاسىنىڭ 22 جاستاعى تۇرعىنىن ۇستادى.

بۇلتارتپاس ايعاقتار ارقاسىندا كۇدىكتى كارتا مەن قۇپيا ءسوزىن العان سوڭ كارتاداعى بارلىق سومانى شەشكەنىن جانە ءوز قاجەتتىلىكتەرىنە جۇمساعانىن مويىندادى. بۇل دەرەك بويىنشا قىلمىستىق كودەكستىڭ 188-بابى 1-ءبولىمى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.

پوليتسەيلەر تۇرعىنداردى بەيتانىس نەمەسە سەنىمدى ەمەس ادامدارعا وزدەرىنىڭ بانك كارتالارىن مەن ولاردىڭ قۇپيا سوزدەرىن سەنىپ تاپسىرماۋعا شاقىرادى. ويتكەنى ونىڭ ارتى اقشا جوعالۋىنا اكەپ سوعۋى مۇمكىن ەكەنىن ەسكەرتەدى.

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار