قالانىڭ ەكولوگيالىق جاعدايىن جاقسارتۋ ماقساتىندا ەڭ وزىق تەحنولوگيالار قولدانىلۋدا. ارنايى سۇيىقتىق شاشىلعاننان كەيىنگى جەتى كۇندە اينالا جاسىل جەلەككە بولەنەدى. ال «جاسىل بەلدەۋ» باعدارلاماسى بويىنشا 97,9 گەكتار اۋماققا 42068 دانا اعاش ەگىلگەن. «قاشقاري» دەمالىس ورنىندا 200 ءتۇرلى اعاشتار مەن بۇتالى گۇلدى وسىمدىكتەر وتىرعىزىلعان. قازىرگى كەزدە قالانىڭ 19 كوشەسىندە كوگالداندىرۋ مەن اباتتاندىرۋ جۇمىستارى ىسكە اسۋدا.
سونىمەن بىرگە, ءال-فارابي مەن قازىبەك بي, ن.تورەقۇلوۆ كوشەسىندە ساياباق پەن سكۆەرلەر ورناتىلۋدا. قالا بويىنشا 65 ۇڭعىما قازىلىپ, اللەيالار مەن سكۆەرلەر قولدانىسقا بەرىلدى. م. پوشانوۆ, بايتاناەۆ, ر.سەيتمەتوۆ دەمالىس ورىندارى جانە «جەڭىس» ساياباعى قايتادان جاڭارتۋدان ءوتىپ, جاڭا كەلبەتكە يە بولدى. اباتتاندىرۋ جانە كوگالداندىرۋ جۇمىستارىن باقىلاعان وبلىس اكىمى ومىرزاق شوكەەۆ ساپاعا ءمان بەرىپ, ۋاقىت ۇنەمدەۋ ماقساتىندا ەنگىزىلگەن گيدروەگۋ جۇمىستارىن تەكسەردى.
ايتا كەتەلىك, تۇركىستان قالاسى اكىمشىلىك-ىسكەرلىك ورتالىعىندا 89 كوپقاباتتى تۇرعىن ءۇيدىڭ قۇرىلىسى مەملەكەتتىك بيۋدجەت ەسەبىنەن جۇرگىزىلۋدە. جىل قورىتىندىسىمەن 7 قاباتتى 24 تۇرعىن ءۇي (1452 پاتەر), پايدالانۋعا بەرىلمەك. ونىڭ ىشىندە كەزەكتە تۇرعان الەۋمەتتىك وسال توپتارعا جانە كوپبالالى وتباسىلارعا - 450, كەزەكتە تۇرعان مەملەكەتتىك قىزمەتكەرلەگە كرەديتتىك 1002 پاتەر تاپسىرۋ جوسپارلانعان.
تۇركىستان وبلىسى
