ۇكىمەت • 09 شىلدە، 2020

COVID-19 بويىنشا جەدەل شتاب وڭىرلەردەگى جاعدايدى باقىلايدى

17 رەت كورسەتىلدى

قر پرەمەر-ءمينيسترىنىڭ ورىنباسارى ە.توعجانوۆتىڭ توراعالىعىمەن وتكەن COVID-19 ماسەلەلەرى جونىندەگى جەدەل شتابتىڭ وتىرىسىندا ەلدەگى شۇعىل شەشىمدى تالاپ ەتەتىن مىناداي جەدەل ماسەلەلەر قارالدى، - دەپ حابارلايدى Egemen.kz

1)  وڭىرلەرگە دارىلىك زاتتاردى جەدەل جەتكىزۋ ءۇشىن قاجەتتى نورماتيۆتىك-قۇقىقتىق بازانى قابىلداۋ;

2)  قوسىمشا 1600 ءوجج اپپاراتىن، جەدەل مەديتسينالىق جاردەم قىزمەتىنىڭ 800 سانيتاريالىق اۆتوماشيناسىن، سونداي-اق  اناعۇرلىم سۇرانىسقا يە دارىلىك پرەپاراتتاردى (پاراتسەتامول، ازيتروميتسين، تسەفترياكسون، وسەلتاميۆير جانە باسقالار) ساتىپ الۋ، ولاردى اعىمداعى اپتانىڭ سوڭىنا دەيىن جەتكىزۋ كۇتىلەدى.

3)  كوروناۆيرۋسپەن كۇرەسكە تارتىلعان مەديتسينا قىزمەتكەرلەرىنە ۇستەمەاقى تولەۋدى جالعاستىرۋ.

سونداي-اق جەدەل شتابتا اتىراۋ، ماڭعىستاۋ، باتىس قازاقستان، قاراعاندى وبلىستارى مەن نۇر-سۇلتان قالاسىنداعى سانيتاريالىق-ەپيدەميولوگيالىق جاعداي جەكە تارتىپپەن قارالدى.

وڭىرلەردىڭ ارقايسىسى بويىنشا دەنساۋلىق ساقتاۋ مينيسترلىگى پروبلەمالىق ماسەلەلەردى بايانداپ، اعىمداعى جاعدايدى جاقسارتۋ بويىنشا ناقتى شارالار ازىرلەدى.

جەدەل شتابتا COVID-19 سىرقاتتانۋشىلىعىنىڭ وسۋىنە بايلانىستى اتىراۋ وبلىسىنداعى قاناعاتتانارلىقسىز سانيتاريالىق-ەپيدەميولوگيالىق جاعداي ەرەكشە اتاپ ءوتىلدى.

وسىعان بايلانىستى ە. توعجانوۆ اتىراۋ وبلىسىنىڭ اكىمدىگىنە جاعدايدى جاقسارتۋ بويىنشا تۇبەگەيلى شارالار قابىلداۋ تۋرالى، ونىڭ ىشىندە قوسىمشا شەكتەۋ شارالارىن قولدانۋ تۋرالى تاپسىرما بەردى.

سونداي-اق پرەمەر-ءمينيستردىڭ ورىنباسارى وڭىرلەردىڭ اكىمدىكتەرىنە كارانتيندىك شارالاردىڭ ساقتالۋىن مۇلتىكسىز باقىلاۋدى قامتاماسىز ەتۋدى، قىسقا مەرزىمدە قوسىمشا ينفەكتسيالىق ستاتسيونارلاردى ۇيىمداستىرۋدى، قاجەتتى جابدىقتاردى ء(وجج، كت جانە ت. ب.)، دارىلىك زاتتاردى ساتىپ الۋدى، سونداي-اق زەرتحانالاردىڭ پتر قۋاتىن ارتتىرۋدى تاپسىردى.

ء“بىز ءار وڭىردەگى جاعدايدى جەدەل شتابتىڭ ەرەكشە باقىلاۋىندا ۇستايتىن بولامىز. ءبىز جۇمىستى كۇندەلىكتى نەگىزدە رەسپۋبليكالىق جانە وڭىرلىك اۋقىمدا تىڭداپ، ناقتى جەدەل شارالار قابىلداي وتىرىپ جالعاستىرامىز”، - دەپ قورىتىندىلادى ە.توعجانوۆ.

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار