ايماقتار • 09 شىلدە، 2020

دارىحانالارعا اپتا سايىن ءدارى-دارمەك جەتكىزىلەدى

10 رەت كورسەتىلدى

نۇر-سۇلتان اكىمدىگىندە COVID-19-بەن كۇرەسۋ ءۇشىن قاجەتتى ءدارى-دارمەكتەرمەن قامتاماسىز ەتۋ، بالاما دارىلەردىڭ ءتىزىمىن كەڭەيتۋ، دارىحانالارعا ءدارى-دارمەكتەردى تاراتۋ ماسەلەلەرى تالقىلاندى. ەلوردا اكىمى التاي كولگىنوۆ ءدارىحانا جەلىلەرىنىڭ ديستريبيۋتورلارىمەن، فارماتسەۆتيكالىق كومپانيالار مەن ءدارىحانالاردىڭ وكىلدەرىمەن ونلاين-كەزدەسۋ وتكىزدى. نۇر-سۇلتان اكىمدىگى دەنساۋلىق ساقتاۋ مينيسترلىگىمەن بىرلەسىپ، ەلگە ءدارى-دارمەكتەردى ساتىپ الۋ جانە اكەلۋ پروتسەدۋرالارىن جەڭىلدەتۋ، لوگيستيكا ماسەلەلەرىنە قولداۋ كورسەتەدى. بۇل تۋرالى قالا اكىمدىگىنىڭ رەسمي سايتى حابارلادى، - دەپ جازادى Egemen.kz

ء"بىز مەملەكەتتىك ورگاندارمەن بىرگە ءدارى-دارمەك قورىن تولىقتىرۋ بويىنشا ۇلكەن جۇمىستار جۇرگىزۋدەمىز. بىرىنشىدەن، ساتىپ الۋ جانە اكەلۋ راسىمدەرى جەڭىلدەتىلدى. بيۋروكراتيالىق ماسەلەلەر شەشىلدى. ءبىز لوگيستيكا ماسەلەلەرى بويىنشا قولداۋ كورسەتۋدەمىز. ەكىنشىدەن، ءتيىستى ورگاندار مەملەكەت باسشىسىنىڭ تاپسىرماسىمەن الىپساتارلىقتى جانە باعانى زاڭسىز كوتەرگەندەردى انىقتاۋ بويىنشا جۇمىس جۇرگىزۋدە. قازىردىڭ وزىندە 8 ادام سوت شەشىمىن كۇتۋدە. بىرنەشە قاپتامانى ساتىپ الىپ، الىپ-ساتارلىق جاساماۋ ءۇشىن ءدارى-دارمەكتەردى جان باسىنا تاراتۋ شەكتەلدى – ولار ەمدەۋ بارىسىندا قاجەت مولشەردە عانا بەرىلەدى. ءبىز نارىقتىڭ ادال وكىلدەرىنە كومەكتەسەمىز، ەندى ءسىز ءوزىڭىزدىڭ الەۋمەتتىك جاۋاپكەرشىلىگىڭىزدى كورسەتۋىڭىز كەرەك. ءدارى-دارمەكتەردىڭ باعاسىن كوتەرۋگە، الىپساتارلىق جاساۋعا بولمايدى. سونىمەن قاتار ءدارى-دارمەكتەردىڭ انالوگتارىن، بالاما تۇرلەرىن ساتىپ الۋ قاجەت. ءبىز بۇل باعىتتاعى جۇمىستاردى جۇيەلى تۇردە جالعاستىرا بەرەمىز"، – دەدى ەلوردا اكىمى التاي كولگىنوۆ.

فارماتسەۆتيكالىق قىزمەت وكىلىنىڭ ايتۋىنشا، 10 كۇننىڭ ىشىندە ەلگە 2 ميلليونعا جۋىق پاراتسەتامول جەتكىزىلەدى، ء"بىز بارلىق ايماقتارعا بىركەلكى تاراتامىز. ءدارىحانالاردا كوپتەگەن ءدارى-دارمەكتەردىڭ انالوگتارى بار، ءبىز ولاردى قوسىمشا ساتىپ الامىز. مىسالى، پاراتسەتامولدى يبۋپروفەنمەن الماستىرۋعا بولادى. ءبىز ۆيرۋسقا قارسى جانە دەنە قىزۋىن تومەندەتەتىن دارىلەردى از مولشەردە تۇراقتى نەگىزدە جەتكىزىپ وتىرامىز. لوگيستيكا ماسەلەلەرى شەشىلگەن كەزدە "ىڭكار" جشس اپتاسىنا ەكى رەت ءدارىحانالار قورىن تولىقتىرادى. باسقا فارماتسەۆتيكالىق كومپانيالار دا ءدارى-دارمەكتەردى جەتكىزۋ كولەمىن ارتتىرادى".

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار