قازاقستان • 09 شىلدە، 2020

ءىىم باسشىسى بيوحيميالىق قارۋ شاشىراتۋ تۋرالى حابارلامانى جوققا شىعاردى

16 رەت كورسەتىلدى

ىشكى ىستەر ءمينيسترى ەرلان تۇرعىمباەۆ ينتەرنەت جەلىسىندە جالعان اقپاراتتى تاراتۋعا قاتىستى مالىمدەمە جاسادى، مينيسترلىكتىڭ ءباسپاسوز قىزمەتى. 

– قۇقىققا قارسى ارەكەتتەردى انىقتاۋ ماقساتىندا ىشكى ىستەر ورگاندارى جۇرگىزگەن الەۋمەتتىك جەلىلەردىڭ كۇن سايىنعى مونيتورينگى سوڭعى ۋاقىتتا جالعان اقپاراتتىڭ تارالۋى جيىلەپ كەتكەنىن كورسەتتى. 

باسقا مەملەكەتتىك ورگاندارمەن بىرلەسىپ ءاربىر وسىنداي حابارلامانى ءبىز تەكسەرەمىز. 

بۇگىنگى تاڭدا ەلدەگى ەپيدەميولوگيالىق جاعدايدىڭ وزەكتى تاقىرىبىن جەكە تۇلعالار اۋديتوريانىڭ نازارىن اۋدارۋ ءۇشىن پايدالانادى، بۇل رەتتە اقپاراتتىڭ تەكسەرىلمەگەنىن ەلەمەي، ونىڭ ىشىندە شەتەلدىك تەگى بارلار دا حابارلامالاردى تاراتۋدا. 

ەڭ تانىمال تاراتىلىمداردىڭ اراسىندا – "ۆيرۋس ەلدى مەكەنگە ۇشاقتار مەن تىكۇشاقتاردىڭ كومەگىمەن شاشىراتقان"، "قازاقستانعا بيوحيميالىق قارۋ شاشىراتقان” جانە ت.ب. اۋديوحابارلامالار بار. 

Facebook جانە Instagram الەۋمەتتىك جەلىلەرىندەگى كەيبىر پايدالانۋشىلار كەلەسى مازمۇندى جاريالادى: "بۇگىنگى اۋرۋدىڭ ءورشۋى بيولوگيالىق قارۋ-جاراقپەن حيميالىق شابۋىلدان ورىن الۋى مۇمكىن..."

بۇل حابارلامالاردىڭ بارلىعى راستالماعان جانە وتىرىك بولىپ تابىلادى جانە قوعامدى تۇراقسىزداندىرۋعا ارەكەت رەتىندە باعالانادى. 

وسى جانە باسقا دا ۇقساس فاكتىلەر بويىنشا ءىىم تەرگەۋ دەپارتامەنتى قر قىلمىستىق كودەكسىنىڭ 274-بابى "بىلە تۇرا جالعان اقپارات تاراتۋ" بويىنشا سوتقا دەيىنگى تەرگەۋدى باستادى، ونىڭ سانكتسياسى ايىپپۇل، تۇزەۋ جۇمىستارى، جەتى جىلعا دەيىنگى مەرزىمگە باس بوستاندىعىن شەكتەۋ نەمەسە ايىرۋ تۇرىندەگى جازانى كوزدەيدى. 

–  مەن ازاماتتاردى مەملەكەتتىك ورگانداردىڭ رەسمي دەرەكتەرىنە عانا سەنۋگە، ارانداتۋلارعا ۇشىراماۋعا جانە جالعان اقپاراتتى تاراتپاۋعا شاقىرامىن، – دەپ اتاپ ءوتتى مينيستر ەرلان تۇرعىمباەۆ.

 
سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار