ايماقتار • 09 شىلدە، 2020

موبيلدىك توپتار جۇمىسى جۇيەلى

21 رەت كورسەتىلدى

ەپيدەميالىق احۋالدىڭ كۇردەلەنۋىنە بايلانىستى قىزىلوردا قالاسىندا "جەدەل جاردەم" قىزمەتىنەن بولەك موبيلدىك توپتار جۇمىس ىستەيدى. بۇل باستاما ەمحانا جۇمىسىن ەداۋىر جەڭىلدەتىپ، دارىگەرلىك كومەكتىڭ تيىمدىلىگن ارتتىرىپ وتىر، دەپ حابارلايدى Egemen.kz

№ 6 قالالىق ەمحانا 65 214 تۇرعىنعا قىزمەت كورسەتەدى. مەديتسينالىق نىسانعا قاراستى اۋماق ايماقتارعا ءبولىنىپ، ناۋرىز ايىنان باستاپ 4 ءموبيلدى توپ بەكىتىلگەن. ال ەمحانادا ارنايى قۇرىلعان Call ورتالىقتا 4 وپەراتور شاقىرتۋلاردى قابىلداپ، جاۋاپتى موبيلدىك توپ دارىگەرىنە ناۋقاستىڭ مەكەن-جايى مەن جاعدايىن حابارلايدى. ءدال قازىرگى ۋاقىتتا Call ورتالىققا كۇنىنە 200-220 شاقىرتۋ ءتۇسىپ، ءار دارىگەر كەم دەگەندە 50-دەن استام پاتسيەنتكە كومەك كورسەتەدى.

"شاقىرتۋلاردىڭ 90 پروتسەنتى سالقىن تيۋ، دەنە قىزۋىنىڭ كوتەرىلۋى، قۇرعاق جوتەلگە بايلانىستى بولىپ وتىر. دارىگەرلەر پاتسيەنتتىڭ ۇيىنە بارىسىمەن دەنە قىزۋىن ولشەپ، تاماعىن قاراپ، وكپەسىن تىڭدايدى. ەگەر ناۋقاستىڭ جاعدايى اۋىر بولسا، كەزەكشى اۋرۋحاناعا تاسىمالدايدى. ارنايى مونيتورينگ بارىسىندا پاتسيەنتتەردىڭ 70 پروتسەنتىنە جرۆي، 20 پروتسەنتىنە پنەۆمونيا دياگنوزى قويىلاتىنى انىقتالدى. ايتا كەتۋ كەرەك، پنەۆمونيامەن اۋىرعان سىرقاتتارعا ءدارى-دارمەك تەگىن بەرىلۋدە جانە ناۋقاستار ءۇي جاعدايىنداعى كۇندىزگى ستاتسيوناردا ەمدەلۋدە. ءدارى-دارمەك جەتكىلىكتى"، – دەدى باس دارىگەردىڭ ەمدەۋ ءىسى جونىندەگى ورىنباسارى نۇرگۇل جالعاسباەۆا.

 

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار