2020 جىلعى بەس ايدا گەنەراتسيامەن بايلانىستىرىلعان ەلەكتر ەنەرگياسىن ءوندىرۋ 22,5 ملرد كۆتساعاتتى قۇرادى, بۇل 2019 جىلدىڭ وسىنداي كەزەڭىمەن بارابار (22,8 ملرد كۆتس). سونىمەن بىرگە, 2019 جىلعى قاڭتار-مامىرمەن سالىستىرعاندا بايلانىستىرىلعان گەنەراتسيانىڭ ۇلەسى كىشى-گىرىم ءوسىپ, ەلىمىزدە وندىرىلگەن ەلەكتر ەنەرگياسىنىڭ جالپى كولەمىنىڭ 49,6%-ىن قۇرادى.
«سامۇرىق-ەنەرگو» اق-نىڭ ەنەرگيا وندىرەتىن ۇيىمدارى 2020 جىلعى قاڭتار-مامىردا وندىرگەن ەلەكتر ەنەرگياسىنىڭ كولەمى 12 225,7 ملن كۆتساعاتتى قۇرادى نەمەسە 2019 جىلعى وسىنداي كەزەڭنىڭ كورسەتكىشتەرىمەن سالىستىرعاندا 7%-عا ۇلعايدى.
جۇيەلىك وپەراتوردىڭ دەرەكتەرىنشە, وتكەن جىلعى وسىنداي كەزەڭنىڭ كورسەتكىشتەرىمەن سالىستىرعاندا 2020 جىلعى قاڭتار-مامىردا رەسپۋبليكانىڭ ەلەكتر ەنەرگياسىن پايدالانۋ ديناميكاسىندا 2% ءوسىم بايقالدى. ماسەلەن, رەسپۋبليكانىڭ سولتۇستىك زوناسىندا تۇتىنۋ 2%-عا, باتىس زوناسىندا 5%-عا جانە وڭتۇستىك زوناسىندا 1%-عا وسكەن.
ستاتيستيكا جونىندەگى كوميتەتتىڭ اقپاراتىنشا, 2020 جىلعى قاڭتار-مامىر ارالىعىندا قازاقستاندا 44 951,9 مىڭ توننا تاس كومىر وندىرىلگەن, بۇل 2019 جىلعى وسىنداي كەزەڭنەن 2%-عا جوعارى (43 874,7 مىڭ توننا).
«سامۇرىق-ەنەرگو» اق مەن رەسەيلىك «رۋسال» بك تەڭ نەگىزدە باسقاراتىن, كومىر ءوندىرۋشى «بوگاتىر كومىر» جشس 2020 جىلعى قاڭتار-مامىردا 19 428 مىڭ توننا كومىر ءوندىردى, بۇل 2019 جىلدىڭ وسىنداي كەزەڭىنە قاراعاندا 6%-عا كوپ (18 328 مىڭ توننا). وسى كەزەڭ ىشىندە 19 498 مىڭ توننا كومىر ساتىلدى, سونىڭ ىشىندە:
- قازاقستانىشكى نارىعىنا 15 151 مىڭ توننا, بۇل 2019 جىلدىڭ وسىنداي كەزەڭىنە قاراعاندا 8,8%-عا كوپ (13 923 مىڭ توننا);
- ەكسپورتقا (رف) – 4 346 مىڭ توننا, بۇل 2019 جىلدىڭ وسىنداي كەزەڭىنە قاراعاندا 1,8%-عا كوپ (4 271 مىڭ توننا).
جەك-تەردى پايدالاناتىن نىساندار (كەس, جەس, بگس, شاعىن سەس-تەر) 2020 جىلعى قاڭتار-مامىردا وندىرگەن ەلەكتر ەنەرگياسىنىڭ كولەمى 1 170,2 ملن كۆتساعاتتى قۇرادى. 2019 جىلدىڭ 5 ايىمەن سالىستىرعاندا (643,5 ملن كۆتساع.) ءوسىم 81,8%-دى قۇرادى.
وسى جىلدىڭ بەس ايىندا بگق-لاردىڭ جانە شاعىن سەس-تەردىڭ ەلەكتر ەنەرگياسىن ءوندىرۋى تومەندەگەنى بايقالادى, ال جەس جانە كەس نىساندارىنىڭ ەلەكتر ەنەرگياسىن ءوندىرۋى ارتقان.
«سامۇرىق-ەنەرگو» اق-نىڭ جاڭارتىلاتىن ەنەرگيا كوزدەرى (جەك) نىساندارى (كەس, جەس, شاعىن سەس-تەر) 2020 جىلعى قاڭتار-مامىردا وندىرگەن ەلەكتر ەنەرگياسىنىڭ كولەمى 143,5 ملن كۆتساعاتتى نەمەسە جەك نىساندارى وندىرگەن ەلەكتر ەنەرگياسىنىڭ جالپى كولەمىنىڭ 12,3%-ءىن قۇرادى, بۇل 2019 جىلعى وسىنداي كەزەڭمەن سالىستىرعاندا 9,1%-كە جوعارى («سامۇرىق-ەنەرگو» حولدينگىنە قاراستى كومپانيالاردىڭ 2019 جىلعى قاڭتار-مامىردا وندىرگەن جەك كولەمى 131,5 ملن كۆتساعاتتى, ال حولدينگتىڭ جەك-تەگى ۇلەسى 20,4%-دى قۇرادى).
«سامۇرىق-ەنەرگو» اق-نىڭ جەك نىساندارىندا ەلەكتر ەنەگياسىن ءوندىرۋدىڭ تومەندەۋىنە سەبەپ – قر جەك-ءتىڭ جاڭا قۋات كوزدەرىن ىسكە قوسۋ.
