جەتىساي اپب-ءنىڭ كەزەكشى بولىمىنە ورتالىق اۋرۋحاناعا جول-كولىك وقيعاسى سالدارىنان دەنە جاراقاتىمەن سەگىز جاستاعى جاسوسپىرىمنىڭ تۇسكەندىگى تۋرالى حابارلاما كەلدى. وقيعا ورنىنا شۇعىل جەتكەن پوليتسيا قىزمەتكەرلەرى تاس جول بويىندا ءوزىنىڭ باعىتىمەن كەلە جاتقان ۆەلوسيپەدتى بەلگىسىز Lاda اۆتوكولىگى سوعىپ, جول-اپاتىن جاساعانىن انىقتادى.
ال, كىنالى جۇرگىزۋشى سودان كەيىن جول-كولىك وقيعاسى ورنىنان قاشىپ كەتكەن. وقيعا سالدارىنان ۆەلوسيپەد ايداپ كەلە جاتقان جاسوسپىرىم باسىنان جاراقات الىپ, ورتالىق اۋداندىق اۋرۋحاناعا جەتكىزىلىپ, مەديتسينالىق كومەك كورسەتىلگەن. جول-كولىك وقيعاسىنا قاتىسى بار جاسىرىنعان جۇرگىزۋشىنى ۇستاۋ ماقساتىندا جەتىساي اۋداندىق پوليتسيا ءبولىمى قىزمەتكەرلەرىمەن جەدەل-ىزدەستىرۋ ءىس-شارالار كەشەنى جۇرگىزىلدى.
ەكى ساعات ىشىندە تارتىپ ساقشىلارى كۇدىكتىنى ءوزىنىڭ ءۇي جاعىنان قولعا ءتۇسىردى, ول جەرگىلىكتى تۇرعىن بولىپ شىقتى. تەكسەرۋ بارىسىندا كۇدىكتى كولىك قۇرالىن باسقارۋعا قۇجاتى جوق ەكەندىگى, ۇلىنىڭ كولىگىن ماس حالدە باسقارعاندىعى انىقتالدى.
ساراپتاما قورىتىندىسىنا سايكەس "ورتا دارەجەلى" ماس كۇيدە ەكەندىگى بەلگىلى بولدى. كۇدىكتى قاماۋعا الىندى. اتالعان جايت جەتىساي اۋداندىق پوليتسيا بولىمىندە قر قك-ءنىڭ 345-1-بابى "الكوگولدىك, ەسىرتكىلىك جانە(نەمەسە) ۋىتقۇمارلىق ماساڭ كۇيدە كولىك قۇرالدارىن باسقاراتىن ادامداردىڭ جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋى" جانە 347-بابى "جول-كولىك وقيعاسى بولعان جەردەن كەتىپ قالۋ" بويىنشا تىركەلدى.
تۇركىستان وبلىسىنىڭ پوليتسەيلەرى, جول قوزعالىسىنا قاتىسۋشىلارعا جولدا اباي بولۋعا جانە جول قاۋىپسىزدىگى ەرەجەسىن بۇزباۋعا, جىلدامدىقتى اسىرماۋعا, قاشىقتىقتى ساقتاۋعا, ەڭ باستىسى ماس حالدە كولىك باسقارماۋعا, ال جول-كولىك وقيعاسى بولعان جاعدايدا وقيعا ورنىنان كەتپەۋگە كەڭەس بەرەدى.
