قازاقستان مۇسىلماندارى ءدىني باسقارماسى مەن ورتا ازيا مۇفتيلەر كەڭەسىنىڭ توراعاسى, باس ءمۇفتي, شەيح ءابساتتار قاجى دەربىسالىنىڭ مالىمدەمەسى

كەشە كورشىمىز قىرعىزستاندا بولعان قاندى جاعداي – ب ۇلىكشىلىك ءبىزدى الاڭ­داتىپ وتىر. قىرعىز ەلىندەگى مۇنداي وقيعا ءبىرىنشى رەت ەمەس, ەكىنشى رەت بولىپ وتىر. الايدا كىم ۇتتى؟ قيراعان تاعى دا جاس مەملەكەت. ءاربىر ب ۇلىكشىلىك قىر­عىز­ستاندى ودان ءارى ونداعان جىلدارعا كەرى كەتىرەدى. بۇعان وسىنداي الاۋىزدىق زار­دا­بىنان ءالى دە ەس جيا الماي وتىرعان ۋكراي­نانى مىسال ەتسەك تە جەتىپ جاتىر. ب ۇلىك ارقىلى بيلىككە كەلگەن ەشبىر وكىمەت حالىقتىڭ جاعدايىن جاقسارتقان ەمەس, كەرىسىنشە, ول بۇرىنعى جەتىستىك­تەرى­نەن دە ايىرىلۋىنا اكەلىپ سوقتىرعان. ءوز وتانداستارىنىڭ قولىمەن السىرەگەن جاس مەملەكەت كىم كورىنگەننىڭ ويىنشى­عى­نا, سىرتقى الپاۋىت مەملەكەتتەردىڭ بودانىنا اينالارى ءسوزسىز. سوندىقتان مۇسىلمان بالاسى قانداي دا ءبىر مۇشكىل ماسەلەنى شەشۋدە قاقتىعىس پەن ب ۇلىك جولىن ەمەس, تاتۋلىق پەن كەلىسىم, تۇسىنىستىك, كەلىسسوز جولىن تاڭداۋى ءتيىس. مۇسىلمان ءۇشىن يماننان كەيىنگى ەڭ ۇلكەن نىعمەت – تىنىشتىق نىعمەتى. قاسيەتتى قۇراندا “باقارا” سۇرەسىندە: “ب ۇلىك شىعارۋ – كىسى ولتىرۋدەن دە اۋىر كۇنا”  دەلىنگەن. ەندەشە, ەلدەگى, دىندەگى تىنىشتىقتى ساقتاۋ اركىمنىڭ مىندەتى. باسشىعا باعىنۋ ماسەلەسى – مۇسىلمانداردىڭ, پايعامبار جولىمەن جۇرەتىن مۇسىلمانداردىڭ ەڭ نەگىزگى ماسەلەلەرىنىڭ ءبىرى. قۇراندا: “ەي, يمان كەلتىرگەندەر, اللاعا باعىنىڭدار, ەلشىگە باعىنىڭدار جانە ارالارىڭىزدان بولعان باسشىلارعا بويۇسىنىڭىزدار”, – دەلىنگەن. بۇل اياتتا اللا تاعالا بىزگە وزىنە باعىنۋدى, پايعامبارعا (حازرەتى مۇحاممەدكە (س.ع.س.) جانە ارامىزدان شىققان باسشىلارعا باعىنۋ كەرەك ەكەنىن اشىق بۇيىرىپ تۇر. سوندىقتان حالقىمىز كورشى ەلدە بولىپ جاتقان جاعدايدان عيبرات الىپ, تىنىشتىق پەن تاتۋلىقتى, بەيبىتشىلىكتى ءاردايىم قاپەردە ۇستاۋى ءلازىم. ال كورشىمىزدىڭ تەزىرەك وركەنيەتتى ەلدەر جولىنا ءتۇسۋىن قالايمىز.