سونىمەن قاتار, كوروناۆيرۋستى جۇقتىرۋدىڭ 2,9 ملن-نان استام جاعدايى تىركەلگەن ەلدە بىردەن بىرنەشە ۋنيۆەرسيتەت قاۋىپسىزدىك ماقساتىندا كۇزگى سەمەستردە عانا ەمەس, كەلەسى وقۋ جىلى ونلاين تۇردە وتكىزىلەتىنىن جاريالادى.
BBC اگەنتتىگىنىڭ مالىمەتىنشە, بۇل وزگەرىستەر اقش-تا F-1 جانە M-1 ۆيزالارىمەن جۇرگەن بارلىق شەتەلدىككە اسەر ەتەدى. ۆيزانىڭ ءبىرىنشى ءتۇرى حالىقارالىق ستۋدەنتتەرگە ەلدە وقۋ ءۇشىن بەرىلسە, ەكىنشىسى — كاسىبي كۋرستاردان ءوتۋ ءۇشىن, مىسالى, بىلىكتىلىكتى ارتتىرۋ ءۇشىن بەرىلەدى.
كەدەندىك جانە يمميگراتسيالىق ماسەلەلەر جونىندەگى اگەنتتىكتىڭ حابارلاماسىندا, ەگەر ۋنيۆەرسيتەت الداعى كۇزگى سەمەستردە تولىق ونلاين-وقۋعا اۋىسسا, ستۋدەنتتەر ەلدە قالعىسى كەلسە, قانداي دا ءبىر ارەكەت جاساۋى ءتيىس. مىسالى, وسى سەمەسترگە كۇندىزگى وقۋ بولىمىندە وقيتىن باسقا جوعارى وقۋ ورىندارىنا اۋىسۋ. بۇل تالاپتاردى ورىنداماسا, سوڭى دەپورتاتسياعا اكەلۋى مۇمكىن.
بۇل شەكتەۋلەر العاشقىدا ستۋدەنتتەردى كۇندىزگى وقۋ بولىمىنە العان ۋنيۆەرسيتەتتەرگە دە قاتىستى, بىراق ەپيدەمياعا بايلانىستى بارلىق ۋنيۆەرسيتەت ونلاين وقۋعا كوشۋگە ءماجبۇر.
