ايماقتار • 07 شىلدە، 2020

تەلەمەديتسينا قىزمەتى دارىگەرلەردىڭ جۇكتەمەسىن ازايتتى

52 رەت كورسەتىلدى

نۇر-سۇلتاندا مەديتسينالىق ماسەلەلەر بويىنشا تۇرعىندارمەن بايلانىس كۇشەيدى. وسىلايشا، 705103 جەكە ءنومىرى قۇرىلىپ، تۇرعىندارعا اۋرۋدىڭ الدىن الۋ بويىنشا كەڭەس بەرىلەدى. وعان تاۋلىگىنە ورتا ەسەپپەن 200-دەن استام قوڭىراۋ تۇسەدى. بۇل تۋرالى قالا اكىمدىگىنىڭ رەسمي سايتى حابارلادى، - دەپ جازادى Egemen.kz

ء"بىزدىڭ دارىگەرلەر تەلەمەديتسينا قۇرالدارى ارقىلى سيمپتومسىز تاسىمالداۋشىلاردى باقىلايدى. ياعني، بەينە بايلانىس ارقىلى كەڭەس بەرىپ، دەنساۋلىق جاعدايىنا قاراپ جانە ت.ب. قىزمەتتەر كورسەتە الادى. DamuMed-پەن بىرىگىپ، ناۋقاستى ونلاين قابىلداۋعا جازۋ جانە بەينەقوڭىراۋ فورماتىندا تەگىن كەڭەس الۋعا بولاتىن ءموبيلدى قوسىمشا ىسكە قوسىلدى. كەڭەس بەرۋ كەزىندە دارىگەرگە الدىڭعى قابىلداۋلار تۋرالى اقپارات قولجەتىمدى بولادى. قابىلداۋ تۋرالى اقپارات دارىگەردىڭ مەديتسينالىق جازباسىندا ساقتالادى. بمسك 31 ۇيىمى ەلوردا تۇرعىندارى ءۇشىن تەگىن بەينە-كەڭەستەر بەرەتىن بولادى. بۇگىندە وعان 19 ۇيىم قوسىلدى، قالعاندارى جاقىن ارادا ءوز جۇمىسىن باستايدى"، دەدى قالا اكىمى التاي كولگىنوۆ.

سونىمەن قاتار ەلوردادا جەدەل مەديتسينالىق جاردەم ستانتسياسىنىڭ تەلەگرام-بوتى (@ns103bot) جۇمىس ىستەيدى. قالا تۇرعىندارى جەدەل جاردەم شاقىرۋ ءۇشىن ءوتىنىش بەرە الادى. كەيىن شاقىرۋ جەدەلدىك كاتەگورياسى بويىنشا انىقتالادى. 24 ماۋسىمنان بەرى تەلەگرام چات-بوت 1800 ءوتىنىش قابىلدادى.

جەدەل جاردەم ستانتسياسى جانىنداعى ورتالىق كۆي انىقتالعان ناۋقاستاردى ستاتسيونارلارعا جىبەرەدى. وسى شارالاردىڭ بارلىعى شاقىرۋلار سانىن ەداۋىر جەڭىلدەتۋگە مۇمكىندىك بەردى. ەگەر بۇرىن سۇرانىس كوپ كۇندەرى 4،3 مىڭ قوڭىراۋ بولسا، قازىر 2 مىڭنان ءسال ارتىق. بۇدان باسقا، كوروناۆيرۋس پەن وعان قاتىستى قابىلدانعان شارالار تۋرالى بارلىق رەسمي اقپارات covid19.astana.kz پورتالىندا جاريالاناتىن بولادى.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار