ەكونوميكا • 07 شىلدە، 2020

ەلىمىزدەگى 3 بانكتىڭ قارجىلىق كورسەتكىشتەرى كۇرت تومەندەدى

495 رەت كورسەتىلدى

قارجى ورتالىقتارى 4 اي جانە 1،5 جىل ارالىعىندا پرۋدەنتسيالىق نورماتيۆتەرىن ورىنداماي كەلەدى. بۇل تۋرالى "اتامەكەن" ۇكپ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

اتاپ ايتقاندا، "تەنگري بانك"، "ازيا كرەديت" جانە "كاپيتال بانك قازاقستاننىڭ" رەيتينگتەرى ايتارلىقتاي ناشارلاپ كەتكەن.

بۇدان بولەك، جوعارىدا اتالعان قارجى ورتالىقتارى 4 اي جانە 1،5 جىل ارالىعىندا پرۋدەنتسيالىق نورماتيۆتەرىن ورىنداماي كەلەدى. "تەنگري بانكتىڭ" تابىسى 23،6 پايىزعا كەمىپ، 103،6 ملرد تەڭگەگە دەيىن ءتۇسىپ كەتكەن. "كاپيتال بانك قازاقستاننىڭ" اكتيۆتەرى 22،2 پايىزعا ازايىپ، 69،1 ملرد تەڭگەنى قۇراپ وتىر.

ال "ازيا بانكتىڭ" كورسەتكىشتەرى 38،5 پايىزعا  قۇلدىراپ، بار بولعانى 63،6 ملرد تەڭگەگە تەڭەستى. ايتا كەتۋ كەرەك، بارلىق قارجى ينستيتۋتتارى نەسيەلەۋ مولشەرىن دە 1 جىل ىشىندە 22،2 پايىزعا ازايتقان. 3 بانكتىڭ 5 ايداعى شىعىنى 7،5 ملرد تەڭگەگە دەيىن ۇلعايىپ، سالىمشىلاردىڭ سالىمى دا كۇن ساناپ كەمىپ كەلەدى دەيدى ماماندار.

بىراق، وزگە بانكتەردەگى جاعداي تۇراقتى. كوروناۆيرۋستان كەلگەن داعدارىسقا قاراماستان، بارلىق ينستيتۋتتارداعى دەپوزيتتەر سالىمىنىڭ مولشەرى 15،2 پايىزعا ارتىپ، 19 ترلن تەڭگەگە جەتتى. نەسيەلەۋ مولشەرى 15 ترلن تەڭگە شاماسىندا.

سوڭعى جاڭالىقتار

ۇقساس جاڭالىقتار