قارجى • 07 شىلدە، 2020

ءتيىمسىز جۇمسالعان قاراجات كولەمى كوپ

26 رەت كورسەتىلدى

اقتوبە وبلىسى بويىنشا تەكسەرۋ كوميسسياسى ءار جىل سايىن بيۋدجەتتىك مەكەمەلەر مەن كۆازيمەملەكەتتىك سەكتور سۋبەكتىلەرىندە بيۋدجەت قاراجاتتارىنىڭ پايدالانىلۋىنا جۇيەلى تەكسەرۋلەر جۇرگىزىپ كەلەدى. وسى تۇرعىدا وتكەن جىلى اۋديتپەن قامتىلعان قاراجاتتىڭ جالپى سوماسى 253 ميلليارد 206 ميلليون تەنگە قۇراعان. اتالعان ارالىقتا انىقتالعان بۇزۋشىلىقتاردىڭ كولەمى 24 ميلليارد 594 ميلليون تەنگەدەن اسىپ تۇسەدى. مۇنىڭ ىشىندە قارجىلىق وپەراتسيالاردىڭ بۇزىلۋ كورىنىستەرى كوزگە بىردەن بوي ۇرادى. سونىمەن بىرگە بيۋدجەت قاراجاتتارىن ءتيىمسىز تۇردە جوسپارلاۋ مەن پايدالانۋعا جول بەرىلگەن، دەپ حابارلايدى Egemen.kz.

جۇرگىزىلگەن اۋديتتىك ءىس-شارالاردىڭ ناتيجەلەرى وبلىستاعى بىرقاتار مەكەمەلەر مەن كاسىپورىنداردا ەڭبەكاقى تولەۋ مەن ءىسساپار شىعىندارىن ەسەپتەۋ كەزىندە بيۋدجەت قاراجاتى نەگىزسىز، ارتىق جۇمسالعانىن كورسەتەدى. كەيبىر بيۋدجەتتىك باعدارلامالار بويىنشا ءتيىستى وتىنىمدەر ازىرلەنبەگەن. ءتىپتى ونى راستايتىن قۇجاتتار اتىمەن جوق ەكەنىن بىلگەندە ەرىكسىز جاعاڭىزدى ۇستاعانداي كۇي كەشەسىز. ءارى بيۋدجەتتىك باعدارلامالاردىڭ بەكىتىلمەگەنى، سوندىقتان تىكەلەي جانە تۇپكىلىكتى ناتيجەلەر كورسەتىلمەيتىنى دە تاڭ قالدىرادى.

مۇنىڭ سالدارى وڭىردەگى كاسىپورىنداردا ساپاسىز جوسپارلاۋدىڭ پايدا بولۋىنا اكەلىپ سوقتىرماق. وسىنداي ناقتى كولەمدەگى اۋديتورلىق اۋىتقۋ كورىنىستەرى قازىردىڭ وزىندە بايقالىپ وتىر. وعان وزگەرىستەر ەنگىزىلمەسە، جوسپار كاتىپ-سەمىپ، جانسىز كۇيىندە قالا بەرمەي مە؟ بۇعان قوسا جۇرگىزىلگەن ءىس-شارالار وبلىس اۋداندارىندا ءتيىمدى سالىقتىق جۇيەنىڭ جەتكىلىكسىزدىگىن العا تارتادى. سونىڭ سالدارىنان سالىق ءتۇسىمىنىڭ قولدا بار الەۋەتى تولىق كولەمىندە پايدالانىلا بەرمەيدى. وسى ورايدا بيۋدجەتتىڭ ەداۋىر ىسىرابى تازا تابىستىڭ ءبىر بولىگىن ۋاقىتىندا اۋدارماعان نەمەسە ونى تولىق كولەمدە تولەمەگەن كەزدە قۇرالاتىنى ەسكەرىلمەگەن. تالداۋلار جىبەرىلگەن ۇستىرتتىكتەر كوپ جاعدايدا ءبىر ۇلگىدەگى پىشىندە جانە قايتالانىپ تۇراتىنىن كورسەتتى دەيدى اقتوبە وبلىسى بويىنشا تەكسەرۋ كوميسسياسىنىڭ توراعاسى ساعات ەڭسەگەن ۇلى.

ونىڭ ايتۋىنشا ورىن العان كەمشىلىكتەر بيۋدجەتتەن بولىنەتىن قاراجاتتى باسقارۋدىڭ تومەن دەڭگەيىن بايقاتادى ەكەن. ءسويتىپ، وڭىردەگى وكىلەتتى لاۋازىمدى تۇلعالار رەسپۋبليكا زاڭدىلىقتارىن ساقتاماي، مەملەكەتتىك قاراجات پەن اكتيۆتەردى پايدالانۋ ىسىندە جاۋاپسىزدىق پەن ەنجارلىق تانىتقان. بۇل ءجايت از شىعىن مەن جوعارى ناتيجەلەرگە قول جەتكىزۋدە ءارى بيۋدجەت قاراجاتىن ءتيىمدى پايدالانۋ ىسىندە بىرىزدىلىك جوق ەكەنىن كورسەتەدى. سونداي-اق بيۋدجەتتىك باعدارلامالار اكىمشىلەرى تاراپىنان ءتيىستى باقىلاۋدىڭ بولماۋى دا الدىڭعى پىكىرىمىزدىڭ ايعاعى. ءبىر سوزبەن ايتقاندا قارجى-شارۋاشىلىق قىزمەتىن جۇرگىزۋ دەگەنىمىز وزگەشە ءبىر تىلسىم الەم دەۋگە بولادى. اۋديتورلىق ءىس-شارالار وبلىستا ونىڭ تالاپتارى ورىندالماي وتىرعانىن ايعاقتايدى. سونىمەن بىرگە مۇنداي ءجايت جەرگىلىكتى مەملەكەتتىك ورگانداردا ۇيلەسىمدى جۇمىستىڭ جەتكىلىكسىزدىگىن كورسەتەدى. بيۋدجەت قاراجاتىن وڭدى-سولدى باقىلاۋسىز جۇمساۋ وسىنىڭ سالدارىنان باستالىپ جۇرمەسىنە كىم كەپىل.

- 2019 جىلى جۇرگىزىلگەن اۋديتورلىق ءىس-شارالاردىڭ ناتيجەسى بويىنشا 48 لاۋازىمدى تۇلعاعا قاتىستى تارتىپتىك شارالار قابىلدانىپ، 60 لاۋازىمدى تۇلعاعا اكىمشىلىك ايىپپۇل تۇرىندە 6،8 ميلليون تەنگە كولەمىندە اكىمشىلىك شارالار بەلگىلەندى. انىقتالعان بۇزۋشىلىق دەرەكتەرىنىڭ اياسىندا قىلمىستىق بەلگىلەرى بار 23 ماتەريال قۇقىق قورعاۋ وگاندارىنا تاپسىرىلدى، - دەدى بۇل تۇرعىدا تەكسەرۋ كوميسسياسىنىڭ توراعاسى س.ەڭسەگەن ۇلى.

وتكەن 2019 جىلدىڭ قورىتىندىسى بويىنشا وتكىزىلگەن اۋديترلىق تەكسەرۋلەر بارىسىمەن جان-جاقتى تانىسقان كەزدە جوعارىدا كورسەتىلگەن بىرقاتار بۇزۋشىلىقتار مارتوك اۋىلدىق وكرۋگى اكىمىنىڭ اپپاراتى مەن مارتوك بالالار-جاسوسپىرىمدەر سپورت مەكتەبىنە "اقتوبە الەۋمەتتىك-كاسىپكەرلىك" كورپوراتسياسى اق-نا وبلىستاعى شالقار اۋدانى مەن اقتوبە قالاسىنا ءتان ەكەنىن ايتقان ءجون.

بۇعان قوسا وتكەن 2019 جىلى اقتوبە وبلىستىق قۇرىلىس، ساۋلەت جانە قالا قۇرىلىسى سونداي-اق اقتوبە ەنەرگەتيكا جانە تۇرعىن-ءۇي كوممۋنالدىق باسقارمالارىندا 2015-2019 جىلدارعا ارنالعان "نۇرلى جول" ينفراقۇرىلىمدىق دامۋ مەملەكەتتىك دامۋ باعدارلاماسى شەڭبەرىندە بەكىتىلگەن جوبالاردى جۇزەگە اسىرۋ كەزىندە دە قارجىلىق بۇزۋشىلىقتار مەن بيۋدجەت قاراجاتىن ءتيىمسىز جوسپارلاۋ كورىنىستەرى ورىن العانى بەلگىلى بولىپ وتىر. سونداي-اق اۋديت بارىسىندا بۇل باعىتتا ورىندالماعان جۇمىستارعا 68 ميليون تەنگە اۋدارىلعانى انىقتالعان.

ءتۇيىپ ايتقاندا، وڭىردە بيۋجەت قاراجاتىن ساپاسىز جوسپارلاۋ كورىنىستەرى جەتكىلىكتى ەكەنىن اۋديت تەكسەرۋلەرى انىقتاپ بەردى. جۇمسالعان قاراجات پەن جوسپارلانعان نىسانداردىڭ اراسىندا ءتيىستى بايلانىستاردىڭ بولماۋى دا ەلەۋلى كەمشىلىك ەكەنى حاق. ءسويتىپ، بىرقاتار باعدارلامالىق قۇجاتتار ءوز ماقسات-مىندەتتەرىنە سايكەس كەلمەگەن. سونداي-اق زاڭمەن بەكىتىلگەن نورمالار مەن مەملەكەتتىك ساتىپ الۋدى قۇقىقتىق تۇرعىدان رەتتەۋ قاعيداتتارى دا ۇمىت، ەلەۋسىز قالىپ قويىپتى. وسىنىڭ ءبارى بيۋدجەتتىك باعدارلامالار باشىلارى تاراپىنان ءتيىستى باقىلاۋدىڭ بولماعانىنان ورىن العانى جاسىرىن ەمەس.

ايتالىق، بۇگىنگى ماتەريالامىزعا جەلى بولعان بيۋدجەت قاراجاتىن ءتيىمدى پايدالانۋ ماسەلەلەرىن رەتتەۋ مەن جولعا قويۋدا وبلىس اكىمىنىڭ ەكونوميكا جانە قارجى جونىندەگى ورىنباسارى سەرپىندى ءىس-قيمىل تانىتقان بولسا، مۇمكىن بيۋدجەت قاراجاتىن پايدالانۋ ىسىندە وسىنشاما تەرىس ءىس-ارەكەتتەر ورىن الماس پا ەدى. ايتسە دە اتالعان سالا بويىنشا بەكىتىلگەن ورىنباسارلار تىكەلەي فۋنكتسيونالدىق مىندەتتەرىن اتقارا الماعاندىقتان سوڭعى ۋاقىتتا بىرنەشە رەت اۋىسقانىن ايتا كەتۋدىڭ ورايى كەلىپ تۇرعانداي.

دەگەنمەن ەشتەن دە كەش جاقسى دەگەندەي، وبلىستاعى جاڭادان جاساقتالعان قارجى-شارۋاشىلىق كورپۋسى مەن بيۋدجەتتىك باعدارلامالار اكىمشىلەرى بۇدل باعىتتاعى شەشىمىن تاپپاعان تۇيتكىلدەرگە جان-جاقتى ءارى تەرەڭنەن نازار اۋدارسا، ورىن العان ولقىلىقتاردان ناقتى ءارى ناتيجەلى ساباق الىناتىنى انىق.

 

اقتوبە

سوڭعى جاڭالىقتار

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ەگىنگە وراق ەرتە ءتۇستى

قوعام • بۇگىن، 06:33

جەزقازعانعا گاز جەتكەندە...

ەكونوميكا • بۇگىن، 06:31

«ينتەر» – جارتىلاي فينالدا!

سپورت • بۇگىن، 02:50

ۇقساس جاڭالىقتار