ايماقتار • 07 شىلدە، 2020

ءدارى-دارمەك: ۇشجاقتى مەموراندۋعا قول قويىلدى

22 رەت كورسەتىلدى

قازاقستان تەرريتورياسىندا تىركەلگەن ءدارى-دارمەكتەردىڭ باعاسى رەتتەلىپ، شەكتەۋلى باعالارى بەكىتىلگەن. دارىلىك زاتتاردىڭ باعالارىن، اقپاراتتى تەكسەرۋگە ارنالعان ءدارى-KZ ءموبيلدى قوسىمشاسىنان بىلۋگە بولادى، دەپ حابارلايدى Egemen.kz.

ءدارى-دارمەكتەردىڭ بولشەك ساتۋىمەن اينالىساتىن ۇيىمدار شەكتەۋلى باعادان اسىرماي ساتۋى ءتيىس. الايدا، ءدارى-دارمەكتەر تاپشىلىعىن پايدالانىپ باعانى شارىقتاتىپ وتىرعان كاسىپكەرلەر دە جوق ەمەس. بەكىتىلگەن ەرەجە ساقتالماعان جاعدايدا، ياعني ءدارى باعاسى زاڭسىز كوتەرىلگەنى انىقتالسا، ۇيىم، اكىمشىلىك جاۋاپكەرشىلىككە تارتىلادى. وبلىس اكىمدىگى جانىندا قۇرىلعان كولل-ورتالىعىنا 30-11-77 نومەرىنە حابارلاسۋعا بولادى.

دەپارتامەنت ماماندارى زاڭعا سايكەس دارىحانالارداعى ءدارى-دارمەكتەردىڭ باعالارىن تەلەفون ارقىلى باقىلاپ وتىرادى. اسىرەسە رەتسەپت ارقىلى بوساتىلاتىن دارىلەر قاتاڭ قاداعالاۋدا بولادى.

30 ماۋسىمدا ماڭعىستاۋ وبلىسى اكىمشىلىگى، ماڭعىستاۋ وبلىسى پروۆيزورلار مەن فارماتسەۆتەر قاۋىمداستىعى جانە «قازاقستان رەسپۋبليكاسى دەنساۋلىق ساقتاۋ مينيسترلىگىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى» رەسپۋبليكالىق مەملەكەتتىك مەكەمەسى اراسىنداعى دارىلىك زاتتارعا قاجەتتىلىكتىڭ وسۋىنە قاتىستى ماسەلەلەر بويىنشا ىنتىماقتاستىق تۋرالى مەموراندۋعا قول قويىلدى. ءدارىحانالاردا ءبىر ادامعا بەرىلەتىن ءدارى-دارمەكتەردىڭ كولەمىن شەكتەۋ ماقساتىندا ماڭعىستاۋ وبلىسىنداعى دارىحانالارعا دەپارتامەنت ماماندارى تەلەفون ارقىلى حابارلاسىپ، ەسكەرتىلۋدە. ءدارى-دارمەك تاپشىلىعىن تۇراقتاندىرۋ ماقساتىندا توتەنشە جاعدايلاردىڭ سالدارىنان ولكەمىزگە دارىلىك زاتتار ءبىر رەتتىك كىرگىزۋ ءۇشىن كەلىسىمدەر جۇرگىزىلۋدە.

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار