ايماقتار • 07 شىلدە، 2020

الەكسەي تسوي اتىراۋداعى ينفەكتسيالىق ستاتسيوناردى ونلاين ارالادى

80 رەت كورسەتىلدى

دەنساۋلىق ساقتاۋ ءمينيسترى الەكسەي تسوي اتىراۋ وبلىسىنداعى قازىرگى ەپيدەميولوگيالىق جاعدايدى باعالاۋ ءۇشىن №2 وبلىستىق اۋرۋحانا مەن وبلىستىق جەدەل مەديتسينالىق جاردەم ستانتسياسىن ونلاين رەجيمدە ارالادى. بۇل تۋرالى دسم ءباسپاسوز قىزمەتى حابارلادى، - دەپ جازادى Egemen.kz

مينيستر قابىلداۋ بولىمشەسىنىڭ، جاعدايى اۋىر پاتسيەنتتەرگە ارنالعان رەانيماتسيا بولىمشەسىنىڭ جانە ينفەكتسيالىق بولىمشەنىڭ، 103 ديسپەتچەرلىك قىزمەتى مەن ءموبيلدى امبەباپ بريگادانىڭ جۇمىسىمەن تانىستى.

قازىر № 2 وبلىستىق اۋرۋحانادا COVID-19 كوروناۆيرۋس ينفەكتسياسىنا شالدىققان پاتسيەنتتەرگە ارنالعان 180 ينفەكتسيالىق توسەك بار. 162 ناۋقاس ەم الۋدا، توسەك-ورىننىڭ 90% بوس ەمەس. اۋرۋحاناداعى 100 ورىن وتتەكتى كونسولمەن قامتاماسىز ەتىلگەن، 12 ءوجج اپپاراتى بار.

دەنساۋلىق ساقتاۋ باسقارماسىنىڭ باسشىسى ن. قابدىقاپاروۆ قوسىمشا 90 توسەكتىك ينفەكتسيالىق ستاتسيونار سالۋ جوسپارلانىپ وتىرعانىن ايتتى. دەمەۋشىلەر تاعى 30 ءوجج جانە 100 وكسيگەناتسيا اپپاراتىن ساتىپ الىپ بەرمەك. بۇدان باسقا، قۇرمانعازى اۋدانىندا كومپيۋتەرلىك توموگرافيا اپپاراتى الىنادى.

"ورتالىقتاندىرىلعان وتتەگى جۇيەسى جوق جەرلەرگە وتتەگى كونتسەنتراتورىن ورناتۋ كەرەك. ەگەر وتتەگىسىز جۇمىس ىستەيتىن كونتسەنتراتتار بولسا، ونى ساتىپ الۋ قاجەت. مۇنداي اپپاراتتاردى ءبىرىنشى كەزەكتە مۇقتاج ستاتسيونارلارعا جىبەرىڭىزدەر"، - دەدى مينيستر.

كەزەك وبلىستىق جەدەل مەديتسينالىق جاردەم ستانتسياسىنا كەلگەندە الەكسەي تسوي 103 ديسپەتچەرلىك قىزمەتىمەن، جەدەل جاردەم قوڭىراۋىن قابىلداۋ، پاتسيەنتتەردىڭ جاعدايىنىڭ اۋىرلىعىنا بايلانىستى قوڭىراۋلاردى سۇرىپتاۋ جۇمىسىمەن تانىستى. بۇگىندە 42 جەدەل جاردەم بريگاداسى مەديتسينالىق كومەك كورسەتەدى، تاۋلىگىنە شامامەن 1 100-1 200 شاقىرۋ قابىلدايدى، جۇكتەمە ەكى ەسە ارتتى.

مينيستر ءموبيلدى امبەباپ بريگادانىڭ جۇمىسىن كۇشەيتۋدى، امبۋلاتوريالىق ءدارى-دارمەكپەن قامتاماسىز ەتۋ اياسىندا دارىلىك زاتتاردى ۋاقىتىلى جەتكىزۋدى، سونىمەن قاتار، ينفەكتسيالىق ستاتسيونارلاردان شىققان ناۋقاستاردىڭ امبۋلاتوريالىق ەمىنە ەرەكشە نازار اۋدارۋدى تاپسىردى.

ءموبيلدى بريگادا ءبىر تاۋلىكتە 35 قوڭىراۋعا قىزمەت كورسەتەدى، ماماندار رەسپيراتورلىق اۋرۋ بويىنشا شاقىرعانداردان پتر-تەست كومەگىمەن COVID-19 اناليز الادى، پاتسيەنتتى قاراپ، ساتۋراتسياسىن ولشەيدى.

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار