ايماقتار • 07 شىلدە، 2020

ەلوردادا 3،7 ملن تەڭگە تۇراتىن دارىلىك زاتتار تاركىلەندى

16 رەت كورسەتىلدى

نۇر-سۇلتان قالاسىنىڭ پوليتسيا دەپارتامەنتىنىڭ قىزمەتكەرلەرى دارىلىك زاتتار مەن مەديتسينالىق قۇرالداردىڭ زاڭسىز ساتىلۋىن انىقتاۋ بويىنشا جەدەل-الدىن الۋ شارالارىنىڭ العاشقى تاۋلىگىندە زاڭسىز اينالىمنان مەديتسينالىق ماسكالار، كومبينەزوندار، تەرمومەترلەر، مەديتسينالىق كوزىلدىرىكتەر مەن انتيسەپتيكتەردىڭ ءىرى پارتياسىن تاركىلەدى. بۇل تۋرالى ەلوردا اكىمدىگىنىڭ رەسمي سايتى حابارلادى، - دەپ جازادى Egemen.kz

ء"تارتىپ ساقشىلارى حابارلاندىرۋ سايتتارى ارقىلى تەرمومەتر، ينگاۆيرين، پاراتسەتامول، تسەفترياكسون جانە باسقا دا ءدارى-دارمەكتەر ساتقان ينتەرنەت-قولدانۋشىلاردى انىقتادى. تاركىلەنگەن ءدارى-دارمەكتىڭ جالپى سوماسى 3 ملن.700 مىڭ تەڭگەنى قۇرادى" - دەلىنگەن پوليتسيا دەپارتامەنتىنىڭ حابارلاماسىندا.

سونداي-اق پوليتسيا قىزمەتكەرلەرى 63 دانا تەرمومەتر، سونداي-اق جالپى سوماسى 3 ملن. تەڭگە شاماسىندا مەديتسينالىق پلاشش، ماسكالاردى زاڭسىز ساتقان قالا تۇرعىنىن انىقتادى.

سونىمەن قاتار تۇركىستان كوشەسىندە 200 مىڭ تەڭگە سوماسىندا 100 ليتر انتيسەپتيكتى زاڭسىز ساتۋ فاكتىسى انىقتالدى.

"بارلىق قۇقىق بۇزۋشىلار پوليتسياعا جەتكىزىلدى. ءاربىر انىقتالعان فاكتى بويىنشا قولدانىستاعى زاڭناماعا سايكەس قۇقىقتىق باعا بەرىلەتىن بولادى" - دەدى دەپارتامەنتتە.

نۇر-سۇلتان قالالىق پوليتسيا دەپارتامەنتى تۇرعىنداردىڭ ءدارى-دارمەكتەردى زاڭسىز ساتۋ فاكتىسى ءمالىم بولعان جاعدايدا، جاقىن ماڭداعى پوليتسيا بولىمشەسىنە جۇگىنۋدى نەمەسە 102 نومىرىنە قوڭىراۋ شالۋدى سۇرايدى.

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار