جاڭا استانا قاستەرلى تاۋەلسىزدىكتىڭ جانە قازاقستان حالقىنىڭ جاسامپاز ەنەرگياسىنىڭ سيمۆولىنا اينالدى. سەرپىندى دامۋدىڭ ساپالىق كورسەتكىشتەرى اۋقىمدى قۇرىلىس كولەمىمەن, حالىقتىڭ ءوسۋ قارقىنىمەن, ءىرى الەۋمەتتىك-ەكونوميكالىق جانە مادەني-ءبىلىم بەرۋ كلاستەرىنە اينالۋىمەن راستالادى.
نۇر-سۇلتان قالاسىنىڭ دارا دامۋى قازاقستاندىقتاردىڭ وي-ءورىسى مەن ءومىرىنىڭ جاڭا بەلەسىن قالىپتاستىرۋعا مۇمكىندىك بەردى. جاس قالادا جاستاردىڭ ءوزىن ءوزى جەتىلدىرۋى, كوشباسشىلاردىڭ جاڭا بۋىنىن تاربيەلەۋ, ازاماتتاردىڭ رۋحاني جاڭعىرۋى ءۇشىن بارلىق جاعداي جاسالعان.
ەلوردانىڭ اتاۋى ايشىقتى باستامالاردىڭ اۆتورى جانە شابىتتاندىرۋشىسى – تۇڭعىش پرەزيدەنت, ەلباسى نۇرسۇلتان ءابىش ۇلى نازارباەۆتىڭ ەسىمىمەن اتالاتىنى تاريحي تۇرعىدان ورىندى.
ەلباسى قۇرىلىستىڭ بارىسىن ءوزى ءجىتى قاداعالادى, ەلوردانىڭ كورىكتى جەرلەرىنىڭ باستاماشىسى بولىپ, ەرەكشە ساۋلەت ءستيلىن ەنگىزدى, جاس قالانىڭ ءاربىر كوشەسىنىڭ اباتتاندىرىلۋىنا باسا نازار اۋداردى.
ەلباسىنىڭ قاجىرلى ەڭبەگىنىڭ ناتيجەسىندە قازاقستاندا بۇكىل ەلدىڭ دامۋىنا قۋاتتى سەرپىن بەرگەن ساۋلەتتى شاھار سالىندى.
نۇرسۇلتان نازارباەۆ حح جانە ءححى عاسىرلارداعى ەڭ كورنەكتى ساياساتكەرلەرىنىڭ ءبىرى بولىپ سانالادى. ءبىزدىڭ ءبارىمىز ءۇشىن ەلباسى كوشباسشى بولىپ تابىلادى جانە مارتەبەسى ارقاشان بيىك.
ارداقتى اعايىن!
6 شىلدەدە ءبىز ەلوردا كۇنىن اتاپ وتەمىز جانە ەلى سۇيگەن ەلباسىن مەرەيتويىمەن قۇتتىقتايمىز! اقيقاتىندا, بۇل داتالاردى ءبىر-بىرىنەن ءبولىپ قاراۋ مۇمكىن ەمەس.
وسى ماڭىزدى كۇنى بارشا قازاقستاندىقتارعا مىقتى دەنساۋلىق, تاتۋلىق پەن كەلىسىم, ەلوردامىزدىڭ وركەندەۋىن, ەلباسىنا دەنساۋلىق, اماندىق پەن باق-بەرەكە تىلەيمىز.
ايتۋلى مەرەكە جۇرەگىمىزگە قۋانىش ۇيالاتىپ, قازاقستاننىڭ كەلەشەگىن كەمەلدەتۋ جولىندا العا قويعان ماقساتتارعا جەتۋگە سەنىمىمىز نىعايىپ, كۇش-قۋاتىمىز شىڭدالا بەرسىن!
