ايماقتار • 05 شىلدە، 2020

قاراعاندىنىڭ ازىق-ت ۇلىك دۇكەندەرىندە قاپتاعان جۇرت...

825 رەت كورسەتىلدى

بۇگىن كەنشىلەر استاناسىنداعى ءىرى سۋپەرماركەتتەردىڭ الدىندا تۇتىنۋشىلاردىڭ ۇزىن-سونار كەزەكتە تۇرعانى بايقالدى. ەكى اپتالىق كارانتين تۇرعىندار اراسىندا دۇربەلەڭ تۋدىرىپ، جۇرت ازىق-ت ۇلىكتىڭ مول قورىن قامتىپ قالماققا دۇكەندەرگە جاپا-تارماعاي جۇگىرگەن بولسا كەرەك، – دەپ جازادى Egemen.kz

كەيبىر ءىرى سۋپەرماركەتتەردىڭ الدىنداعى كەزەك اششى ىشەكتەي شۇباتىلىپ، جارتى شاقىرىمداي جەرگە جەتكەن. ال دۇكەننىڭ ءىشى بولسا، تۇتىنۋشىلارعا لىق تولى. ەسىكتەگى كۇزەتشىلەر كەزەكتەگىلەردى ىشتەن ازىق-ت ۇلىكتى اربالاپ شىعارعانداردىڭ كەزەكتى توبى شىققاننان كەيىن عانا كىرگىزىپ تۇر.

تۇرعىندار دۇكەن سورەلەرىندەگى قانت، قاراقۇمىق، تۇز، پياز سىندى ەڭ قاجەتتى ازىق-ت ۇلىك تاۋارلارىن تۇگىن قالدىرماي الىپ جاتىر. ساۋدا ءۇيىنىڭ قىزمەتكەرلەرى قويمادان تاسىپ، ولاردىڭ ورنىن ارەڭ دەگەندە تولتىرىپ ۇلگەرۋدە.

ال وبلىستىق اكىمدىك بولسا، وسى جاعدايعا وراي مىناداي رەسمي اقپارات تاراتتى: "قاراعاندى وبلىسىنىڭ ازىق-ت ۇلىك قويمالارىندا جانە تۇراقتاندىرۋ قورىندا قاجەتتى ازىق-ت ۇلىك قورى جەتكىلىكتى. تاۋارلاردى جەتكىزۋگە قاتىستى ىركىلىستەر جوق. قازىر وبلىستا 671،8 توننا قۇس ەتى، 331 توننا پياز، 201 توننا قىرىققابات بار. كوتەرمە ساۋدا وكىلدەرىندە باكالەيالىق ونىمدەردىڭ ەكى ايلىق قورى جينالعان. جاقىن ارادا كارتوپ، پياز، ءسابىز، قىرىققابات، كۇرىش، قاراقۇمىق جانە وسىمدىك مايىنىڭ ءىرى پارتيالارى كەلىپ تۇسەدى. وسى جىلدىڭ ناۋرىز ايىنداعىداي اتالعان تاۋارلارعا دەگەن سۇرانىس ءۇش ەسە ارتقان كۇننىڭ وزىندە، قولدا بار ازىق-ت ۇلىك ءوڭىردىڭ بارلىق تۇرعىندارىنا جەتكىلىكتى بولادى. الەۋمەتتىك ماڭىزى بار ازىق-ت ۇلىكتىڭ باعاسى ۇدايى باقىلاۋدا".

777

وبلىس اكىمدىگى تاراتقان رەسمي اقپاراتتا سۋپەرماركەتكە كىرۋ كەزەگى كارانتيندىك شارالاردى ساقتاۋمەن بايلانىستى ەكەندىگى ايتىلعان. سونداي-اق، اتالعان  حابارلامادا ءىرى دۇكەندەر مەن باسقا دا قوعامدىق ورىندارعا بارعان كەزدە الەۋمەتتىك قاشىقتىقتى ساقتاۋ، بەتپەردە كيىپ، قولدى انتيسەپتيكتەرمەن وڭدەۋ قاجەتتىگى ەسكەرتىلگەن.

 

 

 

 

قاراعاندى وبلىسى

 

سوڭعى جاڭالىقتار

ۇقساس جاڭالىقتار