بەينەكليپتە ەلىمىزگە تانىمال ونەرپازدار جەتىسۋدىڭ اسەم جەرلەرىندە نۇرعيسا تىلەنديەۆتىڭ كۇيىن ناقىشىنا كەلتىرە ورىنداعان. ايتا كەتەرلىگى, ۇيىمداستىرۋشىلار بەينەبايان تۇسىرۋگە ەلىمىزدەگى تانىمال كۇيشى-سازگەرلەردى شاقىرىپتى.
ماسەلەن, كۇيشى, " ۇلىتاۋ" توبىنىڭ ەكس-ءسوليسى - ەرجان ەسىركەپ ۇلى, جامبىل اتىنداعى قازاق مەملەكەتتىك فيلارمونياسىنىڭ ءسوليسى, كۇيشى, قازاقستاننىڭ ەڭبەك سىڭىرگەن قايراتكەرى - نۇركەن ءاشىروۆ, ق.بايسەيىتوۆ اتىنداعى ساز كوللەدجىنىڭ ۇستازى, كۇيشى, سازگەر - رۇستەم ناۋرىزوۆ, ءانشى, سازگەر - ۇشقىن جامالبەكتى دە بەينەباياننان بايقاۋعا بولادى.
"اتالمىش جوبا ءتول ونەرىمىزدى ناسيحاتتاۋداعى بىرەگەي باستاما. جەتىسۋ جەرىنىڭ دارابوزى, اتاقتى كۇيشى نۇرعيسا تىلەنديەۆتىڭ رۋحىنا تاعزىم, ۇلتىمىزدىڭ ۇلتتىق اسپابى - قاسيەتتى دومبىراعا دەگەن تاعزىم", - دەيدى الماتى وبلىسى جاستار ساياساتى باسقارماسىنىڭ باسشىسى جومارت قاراتاس.
