"World Dombyra Festival" جوباسىنا الەمنىڭ 25 ەلى مەن 36 قالاسىنان قازاقستاندىقتار مەن ەتنيكالىق قازاقتار قاتىستى. ولاردىڭ بارلىعى دەرلىك دومبىرا شەبەرلەرى. QazAlliance جەتەكشىسى الىشەر تۇرسىن: "فەستيۆال – "ۇلتتىق دومبىرا كۇنىنە" ورايلاستىرىلعان. سول سەبەپتى "World Dombyra Festival" جوباسىن جىل سايىن وتكىزۋ جوسپارلانىپ وتىر. ال ۇيىمداستىرۋشىلاردىڭ ايتۋىنشا, جوبانىڭ ماقساتى − شەت ەلدەردە قازاقستاننىڭ ءيميدجى مەن مادەنيەتىن تانىتۋ, وسكەلەڭ ۇرپاقتى ۇلتتىق قۇندىلىقتار مەن ۇلتتىق ونەرگە باۋلۋ جانە ولارعا ۇلتتىق بىرەگەيلىگىمىزدى دارىپتەۋ.
جوبانىڭ ەڭ تاماشا توسىنسىيى ەلىمىزدىڭ جارىق جۇلدىزى ديماش قۇدايبەرگەنگە ارنالعان "ديماش بايجۇما" كۇيى بولدى. "World Dombyra Festival" جوباسىنا رەسەيدىڭ التاي رەسپۋبليكاسىنان جانايدار نۇرساليەۆ قاتىسىپ, وسىلايشا ديماشتىڭ قۇرمەتىنە كۇي ارناپ, بارلىق قازاقستاندىقتاردى جانە ديماشتىڭ ونەرىنە ءتانتى جانكۇيەرلەردى ("Dears") ەرەكشە قۋانىش پەن شاتتىققا بولەدى.
سونداي-اق ازيا ەلدەرى بويىنشا World Dombyra Festival جوباcىنىڭ كوورديناتورى تاڭشولپان باۋىرجانقىزى: "بۇل ءىس-شارانى ۇيىمداستىرۋداعى باستى ماقسات ەلىمىزدىڭ ۇلتتىق مۋزىكاسىن, ۇلتتىق اسپاپ – دومبىرامىزدى الەمگە تانىتۋ. وسى ءىس-شارا الەم بويىنشا ءبىرىنشى رەت ۇيىمداستىرىلىپ جاتىر. مەن دە ءبىرىنشى رەت قاتىسىپ, جوباعا بارىنشا كومەگىمدى كورسەتىپ جاتىرمىن", دەيدى ول.
ال جوبانىڭ باس رەجيسسەرى تيمۋر سىرىمداتۋلى: ء"بىزدىڭ ماقساتىمىز – دومبىرا كۇنىن تەك قازاقستاندا عانا ەمەس, بۇكىل الەم بويىنشا دومبىرا كۇنىن تويلاۋدى داستۇرگە اينالدىرۋ. الەم جۇرتشىلىعى ءبىزدىڭ دومبىرانى, ءبىزدىڭ مادەنيەتىمىزدى تانىپ, بۇكىل الەم قازاقتارى شىلدە ايىنىڭ ءار ءبىرىنشى جەكسەنبىسىندە فلەشموب, عالامشاردىڭ باستى الاڭدارىندا اشىق كونتسەرتتەر تۇرىندە فەستيۆال وتكىزۋ», دەيدى سىرىم دات ۇلىنىڭ تىكەلەي ۇرپاعى.
ەستەرىڭىزگە سالا كەتەيىك, "QazAlliance" شەتەلدەگى قازاقستاندىقتار اليانسى 2015 جىلى قۇرىلىپ, بۇگىنگى كۇنى الەمنىڭ 20-دان استام ەلدىڭ وكىلدەرى جۇمىس جاسايدى جانە شەت ەلدەردەگى قازاقستاندىقتاردىڭ ۇيىمدارى مەن بىرقاتار ءىرى قازاقستان ستۋدەنتتەرىنىڭ قاۋىمداستىقتارىن بىرىكتىرەدى. اليانس پرەزيدەنتىنەن باستاپ مۇشە بولعان بارلىق پاتريوتتار اقىسىز تۇردە قىزمەت جاسايدى. ولار جۇمىستارى مەن ساباقتارىنان تىس ۋاقىتتارىن شەتەلدە قازاقستانعا پايدالى جوبالاردى جۇزەگە اسىرۋعا ارنايتىن ەرىكتىلەر.
"QazAlliance" شەتەلدەگى قازاقستاندىقتار ۇيىمىنىڭ بىرلەسكەن جوباسىن سىزدەرگە ۇسىنامىز:
