ايماقتار • 05 شىلدە، 2020

قاراعاندى وبلىسىندا ەلوردا كۇنى قارساڭىندا ءۇش ەمحانا اشىلدى

38 رەت كورسەتىلدى

ەلوردا كۇنى مەرەكەسىنىڭ قارساڭىندا ەلباسىنىڭ ەڭبەك وتانى تەمىرتاۋدا تۇڭعىش پرەزيدەنت نۇرسۇلتان نازارباەۆتىڭ تىكەلەي تاپسىرماسىمەن بوي كوتەرگەن جاڭا ەمحانا اشىلدى، – دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

"ارسەلورميتتال تەمىرتاۋ" كومپانياسىنىڭ قاتىسۋىمەن سالىنعان ەكى قاباتتى ەمحانانىڭ ءبىر اۋىسىمدا 50 ادامدى قابىلداۋعا مۇمكىندىگى جەتەدى.

سونىمەن قاتار، بۇل كۇنى ءدال وسىنداي تاعى ەكى ەمحانا وبلىس ورتالىعىندا دا اشىلدى. مەملەكەتتىك-جەكەمەنشىك ارىپتەستىك نەگىزىندە سالىنعان بۇل مەديتسينالىق نىسانداردىڭ ءبىرى قالاداعى №11ا ىقشام اۋداندا، ال ەكىنشىسى وڭتۇستىك-شىعىس اۋماعىندا بوي كوتەردى. العاشقىسى ءبىر اۋىسىمدا 50 ادامعا دەيىن قابىلداي السا، ەكىنشى ەمحانانىڭ قۋاتى ءبىر اۋىسىمدا 150 كەلۋشىگە قىزمەت كورسەتۋگە جەتەدى. مۇندا قابىلداۋدى 11 جالپى تاجىريبە دارىگەرى، ەكى پەدياتر، ەكى اكۋشەر-گينەكولوگ، تەراپەۆتىك بەيىندەگى 11 سالالى مامان جانە تەراپەۆتىك ەمەس باعىتتاعى ەكى مامان جۇرگىزەتىن بولادى.

ايتا كەتۋ كەرەك، جاڭا ەمحانالاردىڭ بارلىعى زاماناۋي مەديتسينالىق قۇرال-جابدىقتارمەن قامتاماسىز ەتىلگەن. دارىگەرلەر مەن پاتسيەنتتەرگە ىڭعايلى بولۋ ءۇشىن نىسانداردا ەلەكتروندى كەزەك جۇيەسى جۇمىس ىستەيتىن بولادى.

 

 

قاراعاندى وبلىسى

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار