ايماقتار • 04 شىلدە، 2020

الماتى دارىگەرلەرىنە مەملەكەتتىك ماراپاتتار تاپسىرىلدى

استانا كۇنى قارسانىندا پرەزيدەنت قاسىم-جومارت توقاەۆتىڭ تاپسىرماسىمەن الماتى اكىمى باقىتجان ساعىنتاەۆ قالانىڭ مەديتسينا قىزمەتكەرلەرىنە مەملەكەتتىك ناگرادالاردى تابىستادى، - دەپ جازادى Egemen.kz

ايناش ەسالي

باقىتجان ساعىنتاەۆ Instagram-داعى ءوزىنىڭ پاراقشاسىندا ماراپاتتار جانقيارلىق ەڭبەك پەن كاسىپكە دەگەن ادالدىقتىڭ وتەۋى عانا ەمەس، حالىقتىڭ العىسى ەكەنىن جازدى.
"بۇل – قىزمەتىنە ادال اق حالاتتى ابزال جاندارعا كورسەتىلگەن ءادىل قۇرمەت پەن العىس. سىرقات جاننىڭ دەرتىنە داۋا، ەمىنە شيپا تابا بىلگەن التىن قولدى دارىگەرلەردىڭ ولشەۋسىز ەڭبەگىنىڭ ماڭىزىن جاقسى بىلەمىز"، - دەپ اتاپ ءوتتى قالا اكىمى.

"بۇگىن اتى اتالعان ءاربىر دارىگەردىڭ ارتىندا ۇلكەن ۇجىمنىڭ قاجىرلى ەڭبەگى تۇر. ونسىز بۇل قيىندىقتى ەڭسەرۋ مۇمكىن ەمەس ەدى. بۇل جاعداي ەڭبەگى ەرەن دارىگەرلەردىڭ وتباسىلارىنا دا وڭاي سوقپاعانى انىق. سىزدەر ءوز ىسىنە بەرىلگەن بىلىكتى مامانسىزدار. ءبىز سىزدەردى قولدايمىز، ءبىز سىزدەرمەن بىرگەمىز. بارشا الماتىلىقتاردىڭ اتىنان سىزدەرگە العىس ايتامىن!"، – دەدى ب. ساعىنتاەۆ.

سالتاناتتى ءراسىم بارىسىندا ءىىى دارەجەلى "بارىس" وردەنىمەن ي. جەكەنوۆا اتىنداعى قالالىق كلينيكالىق ينفەكتسيالىق اۋرۋحانانىڭ باس دارىگەرى ايگۇل ابدراحمانوۆا، "پاراسات" وردەنىمەن قالالىق جەدەل جاردەم اۋرۋحاناسىنىڭ باس دارىگەرى ساعي بەيسەنبەكوۆ جانە ي.جەكەنوۆا اتىنداعى قالالىق كلينيكالىق ينفەكتسيالىق اۋرۋحانانىڭ ساراپشى دارىگەرى تامارا ۋتاگانوۆا، "قۇرمەت" وردەنىمەن بالالاردىڭ قالالىق كلينيكالىق ينفەكتسيالىق اۋرۋحاناسىنىڭ باس دارىگەرى ەرجان سەرالين جانە ي. جەكەنوۆا اتىنداعى قالالىق كلينيكالىق ينفەكتسيالىق اۋرۋحانانىڭ دارىگەرى ماگاز مۇقاشەۆ ماراپاتتالدى.

"ەرەن ەڭبەگى ءۇشىن" مەدالى №12 ورتالىق قالالىق كلينيكالىق اۋرۋحانانىڭ باس دارىگەرى گۇلنار كۇلكاەۆاعا، ي.جەكەنوۆا اتىنداعى قالالىق كلينيكالىق ينفەكتسيالىق اۋرۋحانانىڭ ءبولىم مەڭگەرۋشىسى باۋىرجان سارسەمباەۆقا، قالالىق جەدەل جاردەم اۋرۋحاناسىنىڭ ءبولىم باستىعى ساۋلە ساۋرانباەۆاعا بەرىلدى.

"شاپاعات" مەدالىمەن فتيزيوپۋلمونولوگيا ورتالىعىنىڭ باسشىسى Cاۋلە اۋەزوۆا، №12 قالالىق كلينيكالىق اۋرۋحانانىڭ ءبولىم مەڭگەرۋشىسى گۇلنار بەردالينا، بالالاردىڭ قالالىق كلينيكالىق ينفەكتسيالىق اۋرۋحاناسىنىڭ دارىگەرى راۋشان مۋسيليموۆا، ي. جەكەنوۆا اتىنداعى قالالىق كلينيكالىق ينفەكتسيالىق اۋرۋحانانىڭ مەدبيكەسى لايلىگۇل شاريپوۆا ماراپاتتالدى. قازاقستان رەسپۋبليكاسىنىڭ "قۇرمەت" گراموتاسىنپ №1 قالالىق كلينيكالىق اۋرۋحانانىڭ ءبولىم مەڭگەرۋشىسى تايۆ راكوۆا يە بولدى.