ەلباسى • 03 شىلدە، 2020

ورتالىق مۋزەيدە "ەلباسى جانە ۇلتتىق ۇلان" كىتابىنىڭ تۇساۋكەسەرى ءوتتى

194 رەت كورسەتىلدى

ۇلتتىق ۇلاننىڭ ورتالىق مۋزەيىندە "ەلباسى جانە ۇلتتىق ۇلان" كىتابىنىڭ ونلاين-تۇساۋكەسەرى ءوتتى. ەلىمىزدىڭ تۇڭعىش پرەزيدەنتى نۇرسۇلتان ءابىش ۇلى نازارباەۆتىڭ مەرەيتويىنا وراي شىعارىلعان. بۇل تۋرالى ۇلتتىق ۇلاننىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

كىتاپتا ەلباسى قازاقستاننىڭ قۇقىقتىق ءتارتىپ اسكەرلەرىنىڭ قالىپتاسۋى مەن دامۋىندا ايرىقشا ءرول وينايتىنى باياندالادى. كىتاپتىڭ تۇساۋكەسەرى سانيتارلىق-ەپيدەميالىق تالاپتاردى ساقتاي وتىرىپ، باسشىلىقتىڭ، ارداگەرلەردىڭ جانە اسكەرلەردىڭ شەكتەۋلى سانىنىڭ قاتىسۋىمەن بولدى.

1992 جىلى 10 قاڭتاردا قازاقستان رەسپۋبليكاسى پرەزيدەنتىنىڭ جارلىعىمەن قازاقستان رەسپۋبليكاسى ءىىم ىشكى اسكەرى قۇرىلدى. 2014 جىلدىڭ 21 ساۋىرىندە قازاقستان رەسپۋبليكاسى پرەزيدەنتىنىڭ جارلىعىمەن قازاقستان رەسپۋبليكاسى ءىىم ىشكى اسكەرى قازاقستان رەسپۋبليكاسىنىڭ ۇلتتىق ۇلانى بولىپ قايتا قۇرىلۋىن ۇيىمداستىردى.

ال 2015 جىلدىڭ 10 قاڭتارىندا قازاقستان رەسپۋبليكاسى پرەزيدەنتى قازاقستان رەسپۋبليكاسىنىڭ "قازاقستان رەسپۋبليكاسىنىڭ ۇلتتىق ۇلانى تۋرالى" زاڭىنا قول قويدى. قازاقستان رەسپۋبليكاسىنىڭ ۇلتتىق ۇلانى قازاقستان رەسپۋبليكاسىنىڭ ىشكى ىستەر ورگانىنىڭ بىرىڭعاي جۇيەسىنە كىرەدى، ياعني جەكە ادام مەن ازاماتتىڭ كونستيتۋتسيالىق قۇقىعى، قاۋىپسىزدىگى، قوعام قۇندىلىقتارى، مەملەكەت تۇراقتىلىعى مەن تىنىشتىعىن قاۋىپ-قاتەرلەردەن قورعاۋ.

وسى ساتتەن باستاپ تاريحى تۇڭعىش پرەزيدەنت – ەلباسىنىڭ ەسىمىمەن تىعىز بايلانىستى قۇقىقتىق ءتارتىپ اسكەرلەرىنىڭ جىلناماسىنداعى جاڭا كەزەڭ باستالدى.

ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى مۇحامەتقالي ساتوۆ نۇرسۇلتان نازارباەۆتىڭ ۇلتتىق ۇلاننىڭ قالىپتاسۋىنداعى ەرەكشە ءرولىن اتاپ كەتتى.

– تۇڭعىش پرەزيدەنت جارلىعىمەن ىشكى اسكەرلەر قازاقستان تاۋەلسىزدىك العان سوڭ كۇشتىك قۇرىلىمداردىڭ اراسىندا العاشقىلاردىڭ ءبىرى بولىپ قۇرىلدى. اسكەر ەلىمىزبەن بىرگە قاتايىپ، ايبىنى اسقاقتادى جانە قۇقىق ءتارتىبى اسكەرلەرىنىڭ جاۋىنگەرلەرى وزدەرىنىڭ اسكەري انتقا ادالدىعىن، ارقاشان ازاماتتاردىڭ قۇقىعى مەن بوستاندىعىن قورعاۋعا دايىن ەكەندىگىن تالاي مارتە دالەلدەدى.

بۇگىنگى كىتاپتىڭ تۇساۋكەسەرى ەلوردالىق جەدەل بريگادا – 5573 اسكەري بولىمىندە وتكىزىلۋى دە كەزدەيسوقتىق ەمەس. ويتكەنى 2014 جىلى ەلباسى وسى اسكەري قالاشىقتى ءوزى كەلىپ اشىپ، جەكە قۇرامعا جاۋىنگەرلىك تۋدى تابىس ەتكەن بولاتىن. ەلباسىنىڭ ۇدايى قامقورلىعىنىڭ ارقاسىندا اسكەردىڭ كادرلىق جانە تەحنيكالىق الەۋەتى ارتىپ، جاقسى جاراقتاندىرىلعان جانە ءموبيلدى بولىنىستەردىڭ بىرىنە اينالدى، – دەدى ءوز سوزىندە ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى مۇحامەتقالي ساتوۆ.

 

سوڭعى جاڭالىقتار

ەلىمىزدە كۇن قايتا سالقىندايدى

اۋا رايى • بۇگىن، 16:53

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

ۇقساس جاڭالىقتار