قازاقستان • 05 شىلدە، 2020

كارانتين تالاپتارىن بۇزعان جاعدايدا قانشا ايىپپۇل سالىنادى؟

124 رەت كورسەتىلدى

كارانتين تالاپتارىن بۇزعان جاعدايدا سالىناتىن ايىپپۇل تۋرالى پرەمەر-ءمينيستردىڭ ورىنباسارى ەرالى توعجانوۆ ايتتى، - دەپ حابارلايدى Egemen.kz

"بۇگىنگى كۇنگە كەلەتىن بولساق، ۆيرۋستىڭ تارالۋ سەبەبى - ەسكەرتۋلەرگە نەمقۇرايلى قاراپ، قۇلاق اسپاعانى دەسەك ارتىق ەمەس. ءبىزدىڭ ەل تىعىلىپ، توي تويلاپ، بەتپەرە كيۋدى ءالى دە ۇيات سانايتىندار دا جوق ەمەس. مىسالعا، ارتقى ەسىكتەن كىرىپ قىز ۇزاتۋ، اۋلاعا توي جاساۋ، قۇدالىق وتكىزۋ، اس بەرۋ، تۋعان كۇن تويلاۋ سياقتى باسقا دا ءىس-شارالار تولىپ جاتىر. وعان وزدەرىڭىز دە، كوپتەگەن ازاماتتار دا كۋا"، دەدى ەرالى توعجانوۆ.

سونداي-اق ووسىنداي شارانىڭ سوڭىندا كەمىندە 20-دان ادام اۋرۋحاناعا ءتۇسىپ، قازا بولىپ جاتقاندار دا ءمالىم ەكەنىن اتاپ ءوتتى.

"ەڭ الدىمەن جەكە باسىمىزدىڭ جاۋاپكەرشىلىگى، وتباسىمىزدىڭ الدىنداعى جانە قوعام الدىنداعى جاۋاپكەرشىلىك بولۋ قاجەت. زاڭ تاراپىنان جاۋاپكەرشىلىك قاراستىرىلعان. بەكىتىلگەن سانيتارلىق-ەپيدەميولوگيالىق تالاپتاردى بۇزعان جەكە تۇلعالارعا - 83 000، زاڭدى تۇلعالارعا - 600 مىڭنان استام ايىپپۇل سالىنادى"، دەدى ە. توعجانوۆ.

سوڭعى جاڭالىقتار

ۇقساس جاڭالىقتار