"بەلگىلەنگەن 14 كۇندىك كارانتين بويىنشا مونيتورينگ جۇرگىزىلىپ, قورىتىندىلار شىعارىلاتىن بولادى. ناتيجە بەرمەگەن جاعدايدا شەكتەۋ شارالارى بويىنشا قوسىمشا شەشىمدەر قابىلدانادى. بۇگىن كۇن تارتىبىندە تۇرعان نەگىزگى ماسەلە - مەديتسينالىق مەكەمەلەردىڭ كۆي-مەن اۋىرعانداردى ەمدەۋگە ارنالعان جاتىن ورىن سانىن ارتتىرۋ. مەملەكەت باسشىسىنىڭ تاپسىرماسىنا وراي, شىلدە ايىنىڭ سوڭىنا دەيىن, ينفەكتسيالىق, پروۆيزورلىق ورىن سانى 50%-عا ءوسىپ, 28 مىڭنان 42 مىڭعا دەيىن جەتكىزىلەتىن بولادى", دەدى پرەمەر-ءمينيستردىڭ ورىنباسارى.
ونىڭ ايتۋىنشا, تامىز ايىنا دەيىن پتسر-تەستتەرمەن قامتۋ تاۋلىگىنە 30 مىڭنان 39 مىڭعا جەتكىزىلەتىن بولادى.
"بارلىق مەديتسينا مەكەمەلەرىنە تەحنيكالىق قاجەتتىلىكتەر الىندى جانە الىنىپ جاتىر. بۇل باعىتتا جۇمىس توقتاعان ەمەس جانە توقتامايدى دا", دەدى ە. توعجانوۆ.
