ايماقتار • 02 شىلدە، 2020

"اقتوبە-اتىراۋ-استراحان" تاسجولىنىڭ 154 شاقىرىمى اياقتالدى

601 رەت كورسەتىلدى

رەسپۋبليكالىق ماڭىزى بار 160-220 "اقتوبە-اتىراۋ-استراحان" اۆتوموبيل جولىن قايتا جاڭارتۋ جۇمىستارى جالعاسۋدا. جولدىڭ 60 شاقىرىمىنداعى جۇمىستاردى جولشىلار جوسپارعا سايكەس ورىنداپ جاتىر. بۇل تۋرالى يدم ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

قازىرگى تاڭدا مۇندا ءىرى تۇيىرشىكتى اسفالت-بەتوننان جاسالعان جول جابىندىسىنىڭ تومەنگى جانە جوعارعى قاباتتارى جاڭارتىلۋدا. اتالمىش جۇمىستار اياقتالعان سوڭ ەنى 9 مەتردى قۇرايتىن قوزعالىس بولىگى بار تاسجول ءىى تەحنيكالىق ساناتتاعى جولعا سايكەستەندىرىلەتىن بولادى.

جولدىڭ وسى ۋچاسكەسىندەگى جۇمىستارعا شامامەن 175 ادام مەن تەحنيكانىڭ 116 بىرلىگى جۇمىلدىرىلعان. جول ۋچاسكەسىندەگى قۇرىلىس-مونتاجداۋ جۇمىستارىن Todini Costruzioni Generali S.p.A. مەردىگەرلىك كومپانياسى، تەحنيكالىق باقىلاۋ شارالارىن "Consult Enginering" جانە "ZS Enginering" كومپانيالارى جۇزەگە اسىرۋدا.

جالپىلاي العاندا، بيىل اقتوبە وبلىسىندا "اقتوبە-اتىراۋ-استراحان" تاسجولىنىڭ 154 شاقىرىمىندا قوزعالىس اشىلماق. بۇل – جولدىڭ 160-220، 236-275 جانە 275-330 شاقىرىمدارىنىڭ ارالىعى.

ەسكە سالايىق، وڭىردەگى رەسپۋبليكالىق ماڭىزى بار جولداردىڭ ۇزىندىعى 1892 شاقىرىمدى قۇرايدى. جولداردىڭ شامامەن 70% جاقسى جانە قاناعاتتاندىرارلىق جاعدايدا.

 
سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار