الەم • 02 شىلدە، 2020

موڭعوليانىڭ جاڭا حالىقارالىق اۋەجايىنا "شىڭعىسحان" اتاۋى بەرىلدى

324 رەت كورسەتىلدى

2019 جىلعى 18 جەلتوقسانداعى موڭعوليانىڭ مينيسترلەر كابينەتىنىڭ قاۋلىسىنا سايكەس بۋيانت-ۋحاا قالاسىنداعى "شىڭعىسحان" حالىقارالىق اۋەجايى "بۋيانت-ۋحاا" اتاۋىنا وزگەرتىلگەن ەدى. ەندى ۇلانباتىردىڭ حورگەلەن ايماعى، حوشيگت القابىنداعى جاڭا حالىقارالىق اۋەجايىنا 1 شىلدەدەن باستاپ "شىڭعىسحان" حالىقارالىق اۋەجايى دەگەن اتاۋ قويىلدى، – دەپ حابارلايدى Egemen.kz

"شىڭعىسحان" حالىقارالىق اۋەجايى سومون سەرگەلەننەن موڭعوليا استاناسىنا دەيىن 52 شاقىرىم قاشىقتىقتا سالىنعان.

اۋەجاي جىلىنا ءۇش ميلليونعا دەيىن جولاۋشىنى قابىلداي الادى. بولاشاقتا كەڭەيتۋ جۇمىستارى جانە جىلىنا ون ەكى ميلليون جولاۋشىعا دەيىن ۇلعايتۋ جوسپارلارى بار. سالىستىرمالى تۇردە قازىرگى ۇلانباتىردىڭ "بۋيانت-ۋحاا" اۋەجايىنان قاراعاندا، جاڭا اۋەجاي جىلىنا 0،9 ميلليون جولاۋشىعا شەيىن قىزمەت كورسەتەدى.

جاڭا اۋەجايدىڭ جوباسىندا 2 ۇشۋ-قونۋ جولاعى، اۆتوكولىك جانە تەمىر جول تەرمينالدارىمەن جابدىقتاندىرىلعان. الداعى تاڭدا اۋەجاي ماڭىنا 100 مىڭعا جۋىق حالىق ورنالاساتىن ("Aero City") قالا قۇرىلىسى جوسپاردا تۇر. سونداي-اق اۋەجايدىڭ ساعاتىنا ەسەپتىك قۋاتى 1100 جولاۋشىنى قۇرايدى.

قازىرگى ۋاقىتتا "بۋيانت-ۋحاا" حالىقارالىق اۋەجايىندا ميات موڭعول اۆياكومپانيالارى چارتەرلىك رەيستەردى قامتاسىز ەتەدى. ال Hunnu Air جانە اeromongolia اۆياكومپانيالارى تۇراقتى ىشكى رەيستەردى ورىندايدى.

سوڭعى جاڭالىقتار

ۇقساس جاڭالىقتار