قازاقستان • 02 شىلدە، 2020

مۇحتار تىلەۋبەردى قازاقستاندىقتاردى ديپلوماتيالىق قىزمەتى كۇنىمەن قۇتتىقتادى

39 رەت كورسەتىلدى

قازاقستان رەسپۋبليكاسىنىڭ سىرتقى ىستەر ءمينيسترى مۇحتار بەسكەن ۇلى تىلەۋبەردىنىڭ قازاقستان رەسپۋبليكاسىنىڭ ديپلوماتيالىق قىزمەتى كۇنىنە وراي قۇتتىقتادى. بۇل تۋرالى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ حابارلايدى.

 

"قۇرمەتتى قازاقستاندىق ديپلوماتتار!

قۇرمەتتى ارداگەرلەر!

وسىدان 28 جىل بۇرىن 2 شىلدەدە مەملەكەت باسشىسى تاۋەلسىز قازاقستاننىڭ سىرتقى ساياسي ۆەدومستۆوسىن قۇرۋ تۋرالى جارلىققا قول قويعانى وزدەرىڭىزگە ءمالىم.

سول كەزدەگى كۇردەلى جاعدايعا قاراماستان، مينيسترلىكتىڭ العاشقى قىزمەتكەرلەرىنىڭ جانقيارلىعى مەن كاسىپقويلىعى ارقاسىندا ديپلوماتيالىق قىزمەتتىڭ باستى نەگىزدەرى، ىرگەتاسى مەن جۇمىس قاعيداتتارى ءىس جۇزىندە «تازا پاراقتان» قالىپتاستىرىلدى.

جاڭا قۇرىلعان وتاندىق ديپلوماتيالىق قىزمەتتىڭ كادرلىق، قارجىلىق ماسەلەلەرىن شەشۋدە، ءبىزدىڭ شەت ەلدەردەگى العاشقى وكىلدىكتەردى اشۋ باعىتىندا قوماقتى جۇمىس اتقارىلدى.

اعا بۋىن وكىلدەرىنىڭ ءىس-ارەكەتتەرى ناتيجەسىندە «سىرتقى ىستەر مينيسترلىگىنىڭ رۋحى» قالىپتاستى.

وسى ورايلى ءساتتى پايدالانىپ ارداگەرلەرىمىزگە العىس، سالامىزدىڭ قالىپتاسۋىنا ۇيىتقى بولعان تۇلعالارعا شىنايى قۇرمەتىمدى بىلدىرگىم كەلەدى. مەملەكەتىمىزدىڭ حالىقارالىق ارەناداعى بۇگىنگى تابىستارى مەن جەڭىستەرى ءبىرىنشى كەزەكتە سىزدەردىڭ ەڭبەكتەرىڭىز!

قۇرمەتتى ارىپتەستەر!

قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ جانە پرەزيدەنتىمىز قاسىم-جومارت توقاەۆتىڭ جەتەكشىلىگىمەن ەلىمىزدىڭ سىرتقى ساياساتى پراگماتيزم جانە كونسترۋكتيۆيزم قاعيداتتارى، ءتيىمدى ىنتىماقتاستىق پەن قارىم-قاتىناستار نەگىزىندە دامىپ كەلە جاتقانىن ەرەكشە اتاپ وتكىم كەلەدى.

بۇگىندە ءبىز الەمنىڭ 182 مەملەكەتىمەن ديپلوماتيالىق قارىم-قاتىناس ورناتتىق، ەلىمىزدىڭ ماڭىزدى حالىقارالىق ۇيىمدارعا كىرۋىن قامتاماسىز ەتتىك. قازاقستاننىڭ الەمنىڭ 103 ەلدى قامتيتىن، 98 شەت ەلدەردەگى مەكەمەسى بار.

ءبىز كوپجاقتى جانە ەكىجاقتى ىنتىماقتاستىقتىڭ 3700 استام حالىقارالىق قۇجاتتان تۇراتىن قوماقتى شارتتىق-قۇقىقتىق بازاسىن جاسادىق، ول ۇلتتىق مۇددەلەر مەن وزەكتى حالىقارالىق ماسەلەلەردىڭ بارلىعىن قامتيدى.

قازاقستاننىڭ مەملەكەتتىك شەكاراسىن دەليميتاتسيالاۋ تۋرالى حالىقارالىق شارتتارعا قول قويىلۋى جانە ولاردىڭ كۇشىنە ەنۋى قازاقستاندىق ديپلوماتيانىڭ ماڭىزدى جەتىستىكتەرىنىڭ ءبىرى بولىپ تابىلادى. بۇگىن ءبىزدىڭ سىرتقى شەكارامىز – تاتۋ كورشىلىك پەن ىنتىماقتاستىق شەگى رەتىندە قاراستىرىلادى. 

تاۋەلسىزدىگىنىڭ العاشقى جىلدارىندا «قاۋىپسىزدىكتى تۇتىنۋشى» جانە الەمدىك ساياساتقا جاڭادان ارالاسا باستاعان قازاقستان بۇگىندە «تۇراقتىلىق گەنەراتورىنا» جانە كەيبىر جانجالداردى رەتتەۋگە بەلسەندى تۇردە اتسالىسقان مەدياتورعا اينالدى.

دەگەنمەن حالىقارالىق ارەناداعى ايتارلىقتاي جەتىستىكتەرىمىزگە قاراماستان، ءبىز قول جەتكىزگەن تابىستارىمىزبەن توقتالىپ قالا المايمىز، الدا ءبىزدى اۋقىمدى جاڭا جۇمىستار كۇتىپ تۇر. الەمدە ەسكى قۇبىلىستار ترانسفورماتسيالانۋدا، كوپتەگەن وڭ نەمەسە تەرىس سيپاتتاعى كۇردەلى جاڭا پروتسەستەر ءورىس الۋدا. ءبىزدىڭ مىندەتىمىز - سىن-تەگەۋرىندەرگە لايىقتى جانە ناتيجەلى دەن قويىپ، جاڭادان اشىلعان مۇمكىندىكتەردى تولىعىمەن ءارى ءتيىمدى پايدالانۋ.

بۇل ماقساتتا ءبىزدىڭ ديپلوماتتاردىڭ قازىرگى بۋىنىنان جۇمىستا كرەاتيۆتى ادىستەردى قولدانۋىن، تولىقتاي كۇش-جىگەرىن جۇمساۋىن ءارى ءوزىنىڭ كاسىبي دەڭگەيىن ۇنەمى جاقسارتۋىن كۇتەمىز. بۇل سىرتقى ساياسي ۆەدومستۆونىڭ جاڭا ساپالى دەڭگەيگە وتۋىنە ىقپال ەتەدى.

سونىمەن قاتار، وسى جىل الەمدى دۇرلىكتىرگەن جانە تىنىسىن تارىلتقان، حالىقارالىق قارىم-قاتىناستارعا كەدەرگى كەلتىرگەن قاتەرلى دەرت - كوروناۆيرۋس ىندەتىمەن كۇرەسۋ جىلى بولىپ وتىر.

الەمدە پاندەميا جاريالانعاننان كەيىن مينيسترلىگىمىز بەن ديپلوماتيالىق وكىلدىكتەرىمىز قازاقستان ازاماتتارىنىڭ ەلگە ورالۋىنا بار كۇش-جىگەرىن سالىپ، شەت مەملەكەتتەردىڭ مەديتسينالىق كومەگى مەن جابدىقتارىن الۋعا اتسالىستى.

بۇل ورايدا، ەلىمىزدەگى توتەنشە جاعداي مەن كارانتين كەزەڭى ءۇشىن ارنايى قۇرىلعان ءسىم شتابىنىڭ، كونسۋلداردىڭ جانە بەلسەندىلىك كورسەتكەن باسقا دا ارىپتەستەرىمىزدىڭ جۇمىسىن ەرەكشە اتاپ وتكىم كەلەدى.

ءبىزدىڭ الدىمىزدا اسار بەلەستەر مەن باعىندىرار شىڭدار ءالى دە بارشىلىق. ولارعا قول جەتكىزۋ ءۇشىن ءبارىمىزدى جۇمىلعان جۇدىرىقتاي ءبىرتۇتاس مەحانيزم بولىپ جۇمىستى جالعاستىرۋعا شاقىرامىن!

قۇرمەتتى ارىپتەستەر،

سىرتقى ساياسات سالاسىنداعى قاجىرلى ەڭبەكتەرىڭىز ءۇشىن شىنايى العىسىمدى بىلدىرە وتىرىپ، سىزدەردىڭ بارشاڭىزدى بۇگىنگى مەرەكەمەن شىن جۇرەكتەن قۇتتىقتايمىن. ەگەمەندى ەلىمىزدىڭ يگىلىگى ءۇشىن اتقارىپ جاتقان قىزمەتتەرىڭىز جەمىستى بولسىن.

ەلىمىزگە تىنىشتىق، جەرىمىزگە بەرەكە، وتباسىلارىڭىزعا باقىت جانە زور دەنساۋلىق تىلەيمىن"، - دەلىنگەن حابارلامادا.

سوڭعى جاڭالىقتار

ماڭگىلىك مۇرا تاعىلىمى

اباي • بۇگىن، 10:01

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ۇقساس جاڭالىقتار