مىڭجىلدىقتار توعىسىندا ۇلى دالا توسىندە قۇرىلعان جاس مەملەكەتتىڭ زار زاماندا جوعالتقان قۇندىلىقتارى قايتارىلدى, بارى بۇتىندەلدى, ازاتتىقپەن بىرگە ساۋلەلى ساتتەرگە تولى شۋاقتى شەجىرەسى تۇزىلە باستادى. ءوز ماقالاسىندا مەملەكەت باسشىسى وسى ءبىر مەرەيلى ميسسيانى ورىنداۋ ەلباسى ن.نازارباەۆتىڭ ماڭدايىنا جازىلعانىنا ەكپىن بەردى.
وتكەن عاسىردىڭ توقسانىنشى جىلدارى الەم كارتاسىندا ورىن العان تەكتونيكالىق ۇلكەن ساياسي وزگەرىستەردىڭ سالماعىن سارالاي وتىرىپ, قازاقستاننىڭ ۇلتتىق مۇددەسىن سىنالاپ ەنگىزە بىلگەن ەلباسى وسى ءبىر وتىز جىلدىڭ ىشىندە جاس مەملەكەتتى الەمنىڭ دامىعان 30 ەلىنىڭ قاتارىنا قوسۋ ماقساتىمەن كوش باستادى. كوشىمىز كولىكتى بولدى. ۇلتىمىزدا "باس بولماق وڭاي, باستاماق قيىن» دەگەن ءسوز بار. بۇل ورايدا قازاقستان – قالىپتاسقان قوعامدىق قۇرىلىستار اۋىسقان الماعايىپ كەزەڭدە كەمەڭگەر باسشىسىن تابا بىلگەن ەل", دەدى ق.توقاەۆ.
پرەزيدەنت ناقتى ءارى باتىل ءىس-ارەكەتكە بارا الاتىن ادامدار سيرەك ەكەنىنە توقتالىپ, مۇنداي تۇلعالار تاريحتى تۇزەپ, جاڭا زاماندى العا جەتەلەيتىنىنە نازار اۋداردى.
"نۇرسۇلتان ءابىش ۇلى – وسىنداي ايرىقشا ەرىك-جىگەرىمەن ەرتەڭگى كوكجيەككە باتىل قاراي بىلگەن بىرەگەي رەفورماتور, الەم مويىنداعان مەملەكەت قايراتكەرى! ول – تاۋەلسىز ەلدىڭ ءتول تاريحىن ءوز قولىمەن جاساعان تەگەۋرىندى تۇلعا! ەلباسىمىز الەمنىڭ ەڭ ازۋلى ەلدەرىنىڭ باسشىلارى مەن ساياسي قايراتكەرلەرى قۇرمەت تۇتاتىن بيىككە كوتەرىلىپ, ەلىمىز حالىقارالىق قوعامداستىقتىڭ بەلدى دە بەدەلدى مۇشەسىنە اينالدى. بۇل – كۇرمەۋى قيىن كۇردەلى كەزدەردە حالىقتى اۋىزبىرشىلىك پەن تاتۋلىققا جۇمىلدىرىپ, ەسكى تۇسىنىكتەن نارىقتىق قوعامعا وتكىزگەن جانە الەمدىك ەكونوميكانىڭ بەلسەندى قاتىسۋشىسىنا اينالدىرعان نۇرسۇلتان نازارباەۆ فەنومەنى", دەدى ق.توقاەۆ.
